اسلام آباد(پاکستان نیوز پوائنٹ 8نومبر2016ء) سپریم کورٹ ءَ آؤٹ آف ٹرن پروموشن گپتگیں پولیس افسر آنی تنزلی کنگءِ امید گِسی حکم ءِ سرا نظر ثانی ءِ ھوالہءَ دائر درخواست آنی سماعت تاں 16نومبر ءَ ملتوی کرتگ امید گِس ءَ اے ھوالہ ءَ بنجاہ ، اٹارنی جنرل ءُُ چاریں صوبہ آنی ایڈووکیٹ جنرل آں نوٹس برجاہ کرتگ۔ سے شمبے ءَ چیف جسٹس انور ظہیر جمالی ءِ سروکی ءَ پنچ باسکی لارجز بنچ ءَ لہتیں افسر آنی نیمگ ءَ دائر درخواست ءِ سماعت کرتگ۔
سماعت ءِ وھدءَ لہتیں درخواست گزار آنی وکیل سید علی ظفر ءَ پیش بوھگ ءَ موقف داتگ کہ امید گس پیسلہ ءَ پد بے کساس پولیس افسر آنی تنزلی کرت انت چوشکہ امید گِس ءِ پیسلہ آکبتی ءِ ھاتر ءَ بوھگی ات گوستءِ ھاترءَ نہ امید گِس ءِ رو برو پنجاب حکومتءِ وکیل ءَ موقف داتگ کہ سپریم کورٹ ءَ پولیس پروموشن کیس ءِ پیسلہ سندھ سروس رولز ءِ سیکشن 9اے ءِ ردا داتگ انت چوشکہ پنجاب ءَ پولیس افسر آنی پروموشن ءِ قانود سیکشن 8اے ءِ باروا انت ہمے ھاتر ءَ مئے موقف ایش انت کہ پنجابءِ رولز 8ءِ سرا سندھ سروس رولز ءِ سیکشن 9اے ءِ اطلاق کرت نہ کن انت۔ پدا امید گِس ءَ دِگہ سماعت 16نومبر ءَ ملتوی کرتگ۔
