کوئٹہ(پاکستان نیوز پوائنٹ 8نومبر2016ء) بنجاہی وزیر سیم سری امور جنرل (ر) عبدالقادر بلوچ ءَ گشتگ انت کہ مئے مکسد بلوچستانءِ جوڑ ءُُ جاڑی ءُُ دیمروی انت، پنجگور ءِ سیاسی پارٹی آئی لیڈ شپ باز امن پسند، اُلس دوست انت، اُلسی اجتماعی امورءِ بحالی ءُُ تاں اُلس ءَ آئی رسائی مئے اولی ترجیح انت، درستیں سیاسی گل سیاست ءَ یک نیمگ ءَ ایر کنگ ءَ اُلس ءِ ھذمتءِ سرا یقین داریت۔
اے ھیال آنی درشانی بنجاہی وزیر سیم سری امور ءُُ وزیر سیفران (ر) عبدالقادر بلوچ ءَ پنجگور ءِ تر ءُُ تابءِ موہ ءَ بی این پی عوامی ءِ ٹولہ ءِ گوں گپءُُ تران کنگ ءَ کرتگ آئی ءَ ضلع آرگنائزر کیپٹن محمد حنیف بلوچ ءِ سروکی ءَ بنجاہی وزیر ءِ گوں گندءُُ نند کرتگ۔ گند ءُُ نند ءَ جنرل عبدالقادر بلوچ ءَ پنجگور ءِ ھاسیں مسئلہ ءَ آگاہ کرتگ آئیءَ گشتگ کہ پنجگور ءَ وانگی نظام ءَ شر ی ءِ گجائشت ھست انت اُلسءَ جان سلامتی ءِ آسراتی دئیگ حکومت ءِ اولی ترجیح ءَ ھوار انت آئی ءَ گشتگ کہ پنجگور ءِ کار ءُُ بار یک ذریعہ ایران بارڈر انت اودا مہلوک تیل ءُُ دومی چیز آرگ ءَ وتی زاھگ آنی لاپ پُر کنت بلے دوئیں ملک آنی نیام ءَ سکی سوری ءِ وجہ ءَ اے کار ءُُ بار سرجمی وڑ ءَ بند انت بنجاہی حکومت ایران بارڈر ءِ نزد امیگریشن کار گند ءِ بست ئُُبست ءُُ تیل آرگ ءَ قانودی شکل دئیگ ءَ ادے گریب مہلوکءِ آسراتیءِ ھاتر ءَ گپ بہ کنت۔
سندھ ءُُ پنجاب سیم سر ءِ وڑ ءَ بلوچستان ءَ بنجاہی ملازمت ءِ کوٹہ ءَ پائدگی بہ کن ات تنکہ بنجاہی آسامی آنی کوٹہ ءَ پنجگور ءِ اُلس ءَ بھرتی بہ کن انت۔ آئی ءَ گشتگ کہ پنجگور ءَ ہر ماہ آپ ءِ مشکل زیات منتگ انت آھانی ھل ءِ ھاتر ءَ درستیں کمیونٹی واٹر اسکیمءَ سولر سسٹم ءَ بدل بہ کن انت تنکہ دمگ ورگ ءِ ساپیں آپ ءِ مسئلہ ھل بہبیت اے درستیں مسئلہ آنی ھل کنگءِ ھاتر ءَ بنجاہی ءُُ صوبائی حکومتءِ گوں گپ بہ کن انت پنجگور ءِ درستیں مسئلہ ءَ شریں وڑ ءَ ھل بہ کن انت۔
