اسلام آباد(پاکستان نیوز پوائنٹ 8نومبر2016ء) بنجاہی وزیر دفاعی پیداوار رانا تنویر حسین ءَ فرانسءِ سفیر مارٹن ڈورانس ءَ گند ءُُ نند کرتگ آئی ءَ یکجا دلچسپی ءُُ دفاعی کمک زیات کنگءِ سرا ھیال ءُُ لیکھہ کرتگ ۔ دوئیں ملک آں سائنس، وانگ ءُُ زانگ، ریسرچ ءُُ ٹیکنالوجی ءُُ ہیوی انڈسٹڑی ءِ شعبہ ءَ یکجا کار کنگ ءَ دلچسپی ءِ درشانی کرتگ انت ۔ گند ءُُ نندءَ پیسلہ کرتگ کہ گوست وھد ءَ جوڑ بوؤکیں رکاوٹ دور کنگءِ ھاتر ءَ با معنی سول ءُُ تران بندات بہ کن ات۔
فرانس ءِ سفیر ءَ پاک فوج ءِ آپریشن ضرب عضب ءَ سر سوبی ءَ سہڑائینتگ۔ آئی ءَ بنجاہی وزیر دفاعی پیداوار رانا تنویر حسین ءِ شکر ءَ گپتگ ءُُ امیت درشان کرتگ کہ بنجاہی وزیر دوئیں ملک آں یکجا دلچسپی ءِ شعبہءَ کمک زیات کنگ ءَ وتی شریں کرد پیش کنت۔ آئی ءَ بنجاہی وزیر ءَ فرانسءَ فارغ التحصیل نو در بر آنی اعزاز ءَ ڈنر ءِ دیوان ءَ بہر زورگ ءِ دعوت داتگ۔ بنجاہی وزیر رانا تنویر ءَ فرانس ءِ سفیر ءَ دفاعی نمائشت آئیڈیاز2016ءَ بہر زورگ ءِ دعوت داتگ۔ دیوان ءِ ھلاسی ءَ یکجا سیادی ءَ سوگو کنگءُُ یکجا دلچسپی ءِ شعبہ ءِ نشاندگی ءِ سرا تپاک کرتگ ات انت۔
