چین ءِ گوں مئے سیادی نوک نہ بلکں دوئیں خطہ آنی اُلس کرن آن کہن واپاری ءُُ چاگردی رشتگ ءَ بندوک انت

گورنر بلوچستان محمد خان اچکزئی ءِ چینی صوبہ سنک یانگ ءِ چیف ایڈ وائزر مسٹریان (Mr. Yuan) ءِ گوں گندءُُ نند ءِ وھد ءَ گپءُُ تران

چین ءِ گوں مئے سیادی نوک نہ بلکں دوئیں خطہ آنی اُلس کرن آن کہن واپاری ءُُ چاگردی رشتگ ءَ بندوک انت
گورنر بلوچستان محمد خان اچکزئی ءِ چینی صوبہ سنک یانگ ءِ چیف ایڈ وائزر مسٹریان (Mr. Yuan) ءِ گوں گندءُُ نند ءِ وھد ءَ گپءُُ تران

کوئٹہ(پاکستان نیوز پوائنٹ 8نومبر2016ء) گورنر بلوچستان محمد خان اچکزئی ءَ گشتگ انت کہ چین ءِ گوں مئے سیادی نوک نہ بلکں دوئیں خطہ ءِ اُلس کرن آں کہن واپاری ءُُ چاگردی رشتگ ءَ بندوک انت آئی ءَ گشتگ کہ مرچی چین رابطہ ءِ کجام شریں منصوبہ ءِ سرا کار کنگ ءَ انت آ چار ءَ تاں پنچ ہزار سال کہن میاں استمانی واپاری گزر گاہ شاہرگ ریشم ءِ تجدید انت۔ اے ھیال آنی درشانی آئیءَ سے شمبے ءَ چینی صوبہ سنک یانگ ءِ چیف ایڈوائزر مسٹر یان ءِ گوں گند ءُُ نند ءِ وھد ءَ گپ ءُُ تران کنگ ءَ کرتگ۔

گورنر بلوچستان ءَ رو برکتی روٹ ءِ ذریعہ ءَ 60کنٹینر آن ھوار چینی وپاری قافلہ ءِ بلوچستانءِ راہ گوادر آمدورفت ءِ خیر مقدم کنگ ءَ گشتگ کہ ایشی ءَ مئے دمگ ءَ سی پیک ءِ باروا درست تفہیم حاصل بوھگ ءِ گوں ھواری ءَ چین ءِ پالیسی آنی ھوالہ ءَ آشنائی ءُُ بیداری پیداک کنگءَ کمک بہ رسیت۔ گورنر بلوچستان ءَ اے یقین ءِ درشانی کرتگ کہ سی پیک منصوبہ میاں استمانی معیشت ءَ ھستیں جمود ءَ پُرشگ ءَ ھاسیں کرد ادا کنت۔

گورنر بلوچستانءَ گشتگ کہ بلوچستان ءِ لہتیں ضلع ااں سیادی داروکیں نمائندگ مردم آں ھوار ٹولہ زوت چین ءِ ترءُُ تاب ءَ روان بیت چوشکہ ایشی ءَ دیما ہم دوئیں نیمگءَ ُلسی ٹولہ ءِ بدل سدلی بوتگ انت۔ آئیءَ گشتگ کہ اے کار ءَ برجاہ بوھگ لوٹیت ایشی ءَ دوئیں ملک آنی اُلس ءِ نیامءَ سیادی محکم بیت ءُُ یکجا بھروسہ ءَ اضافہ بیت۔ اے موہ ءَ مسٹر یان جیمین ءَ گورنر بلوچستان ءِ چین ءُُ چینی واپاری ءَ دلچسپی ءُُ معلومداری ءَ سہڑائینگ ءَ آئی ءِ شکر ءَ گپتگ ءُُ گشتگ کہ چینی اُلس پاکستانءُُ پاکستانی اُلس ءِ گوں دوستی ءَ قدر ءِ نگاہ ءَ سیل کنت۔