سی پیک ءِ رو برکتی روٹ ءَ کاشغر ءَ تا گوادر میگا ٹریڈ کانوائے ءِ آمد ھاسیں پیشرفت انت

کوئٹہ(پاکستان نیوز پوائنٹ 8نومبر2016ء) سر وزیر بلوچستان نواب ثناء اللہ خان ءَ سی پیک ءِ رور برکتی روت ءِ کاشغر ءَ تاں گوادر میگا ٹریڈ کانوائے ءِ آمد ءَ ھاسیں پیشرفت گشگ ءَ مال بردار کنٹینر آنی بلوچستانءِ راہ ءَ گوادر آمد ورفت ءِ سرا وشی ءِ درشانی کرتگ انت۔ آ چینی صوبہ سنک یانگ ءِ چیف ایڈ وائزر یو آن کہ آ کانوائے ءِ سروکی کنگ ءَ کوئٹہ سر بوتگ انت ءِ گوں گپ ءُُ تران کنگ ءَ کرتگ آھاں سے شمبے ءَ آئی گوں گندءُُ نند کرت انت۔

آئی ءَ سر وزیر ءَ آگاہ کرتگ کہ 200کینٹنر آں ھوار قافلہ ءِ اولی بہر آئی ءَ 60کنٹینر ھوار انت گوادر ءِ نیمگ ءَ رواں انت ءُُ پورا قافلہ روبرکتی روٹ ءَ بوھگ ءَ 12نومبر ءَ گوادر سر بہ باں۔ چین ءَ کنٹینر ءِ ذریعہ ءَ گوادر سر بوؤکیں چیز بذریعہ بحری جہاز رو برکتی وسطی ءُُ افریقی ملک آں دیم دئیگ بیت اے موہ ءَ ھستیں ایف ڈبلیو او ءِ نمائندگ کرنل منصور ءَ گشتگ کہ قافلہ ءَ پاکستانی ایکسپورٹرز ءِ چیز آں ھوار کنٹینر ہم ھوار انت آھاں گوادر بندرگاہ ءِ ذریعہ ءَ وتی چیز آں رد ءُُ بند دئیگ ءَ انت۔

آئی ءَ گشتگ کہ 13نومبر ءَ گوادر ءَ سی پیک ءِ اولی قافلہ ءِ سر بوھگءُُ گوادر پورٹ ءِ ذریعہ ءَ دیم دئیگ ءِ بندات ءِ سرا افتتاحی دیوان اڈ دئیگ ءَ انت آئی ءَ برزیں سول ءُُ عسکری سروک ءُُ 15ملک آنی سفیر ہم ھوار بئینت۔ مسٹریان ءَ سر وزیر ءَ گشتگ کہ سعودی عرب ءَ چین ءِ ھاتر ءَ آؤکیں تیل ءَ شنگھائی سر کنگءَ 25ءَ 30روچ لگیت چوشکہ گوادر کاشغر ءِ راہ ءَ اے وھد کم بوھگءَ 10ءَ 12روچ لگیت۔

آئی ءَ بلوچستانءُُ سنک یانگ ءِ نیامءَ یکجا کمک ءِ دیمروی ءُُ محکمی ءِ ھاتر ءَ کوئٹہ ءُُ سنک یانگ صوبہ ءِ یک شہر ءَ کہ آ وت ءَ مماثلت دار انت ءَ سسٹر سٹی (Sister City) بہ گش انت ءُُ طے بوتگ کہ سر وزیر سنک یانگ حکومتءِ دعوت ءِ سرا آؤکیں ماہ سنک یانگ ءِ تر ءُُ تاب کنت آئیءَ یکجا رابطہ ءِ دیمروی ءِ لہتیں چیز آں تیار کنگ بیت۔