وزیر اعظم دا پی آئی اے اتے ایوی ایشن معاملیاں بارے اجلاس نال خطاب

وزیر اعظم دا پی آئی اے اتے ایوی ایشن معاملیاں بارے اجلاس نال خطاب

اسلام آباد (پاکستان نیوز پوائنٹ 8نومبر2016ء) وزیر اعظم محمدنوازشریف آکھیا جو نواں اسلام آباد ایئر پورٹ جدت آمیزی دا بین الاقوامی شاہکار ہوسی اتے ایں نال پاکستان دا تکھے ترقی کرنڑ آلا ملک دا تشخص بئیا اجاگر تھیسی۔اے گالھیں انہاں منگل کوں اتھاں وزیر اعظم ہاؤس اچ پی آئی اے اتے شہری ہوا بازی معاملیاں بارے ہک اجلاس دی صدارت کریندیں ہوئیں آکھی۔

وزیر اعظم نویں اسلام آباد ایئر پورٹ بارے پیشرفت دا جائزہ گھدا۔وزیر اعظم کوں ڈسایا گئیا جو نواں ایئر پوٹ دے سارے تعمیراتی پیکجز تے کم جاری اے۔وزیر اعظم ہدایت کیتی جو راولپنڈی توں نواں اسلام آباد ایئر پورٹ تئیں لنگ روڈ پراجیکٹ کوں مارچ2017 ء تئیں پورا کیتا ونجے۔ وزیر اعظم ’ نیشنل ہائی وے اتھارٹی کوں ہدایت کیتی جو لنک روڈ پراجیکٹ دے کم اتے معیار دا عالمی معیار دے مطابق جائزہ گھدا ونجے۔

وزیر اعظم گزریل چھی مہینیاں وچال قومی ایئر لائن دی مجموعی کارکردگی دا وی جائزہ گھدا۔پی آئی اے دے چیئرمین اجلاس دے شرکاء کوں ہک جامع پریزینٹیشن ڈتی اتے ڈسایا جو محصولات اچ نشابر ودھارا تھیے۔اجلاس کوں ڈسایا گئیا جو مسافراں دی تعداداچ کل 26.7فیصد ودھارا تھیے جڈانجو ایئرلائن دی صلاحیت اچ17.3فیصد ودھارا تھیے۔پی آئی اے دی اندرلے ملک مارکیٹ اچ نشابر ودھارا تھیے اتے محصولات بارے کارگو کارکردگی وی اطمیان بخش اے۔