مزن وزیر ءِ پی آئی اے ءُُ ایوی ایشن ءِ کار آنی بابت ءَ دیوان ءَ گشتانک

مزن وزیر ءِ پی آئی اے ءُُ ایوی ایشن ءِ کار آنی بابت ءَ دیوان ءَ گشتانک

اسلام آباد(پاکستان نیوز پوائنٹ 8نومبر2016ء) مزن وزیر محمد نواز شریف ءَ گوشتگ کہ نوکیں اسلام آباد بالی پڑ میاں اوستمانی دابے جوانیں ءِ بیتءُُ ایشی ءَ چہ پاکستان ءِ تُرندی ءَ گوں دیمروئی کنگ ءِ گیش پجار سُہرا بیت۔ آئی ءَ اے ھیالانی درشانی سئے شمبے ءَ اِدا مزن وزیر گس ءَ پی آئی اے ءُُ شہری بالی کار آنی بابت ءَ یک دیوانے ءَ گوں تران کنان ءَ ھیالانی درشانی کُت۔

مزن وزیر ءَ نوکیں اسلم آباد بالی پڑ ”ائیرپورٹ“ ءِ جوڑشتی کار آنی چار ءُُ تپاسی کُت۔ مزن وزیر ءَ را گوشگ بوت کہ نوکیں بالی پڑ جوڑشت ءِ توامیں تک ءَ کار بوھگ ءَ اِنت۔ مزن وزیر ءَ پنت ءُُ شون کُت کہ راولپنڈی ءَ چہ نوکیں اسلام آباد بالی پڑ لنک روڈ پراجیکٹ ءَ را مارچ 2017ءَ سرجم کنگ بیت۔ مزن وزیر ءَ نیشنل ہائی وے اتھارٹی ءَ را پنت ءُُ شون کُت کہ لنک روڈ پراجیکٹ ءِ کار آناں میاں اوستمانی کچ ءَ چار ءُُ تپاسی کنگ بہ بیت۔

مزن وزیر ءَ گوستگیں شش ماھ آنی راجی بالی پڑ ے ھواریں رنگ ءَ گامگیج آنی سر ءَ چار ءُُ تپاسی کُت۔ پی آئی اے ءِ چیئرمین ءَ دیوان ءِ بھر زُرتگیں مردم آناں سرجمیں پریزنٹیشن دات ءُُ گوشت کہ رسانک ءِ تہ ءَ جوانیں گیشی بوتگ۔ دیوان ءَ را گوشگ بوت کہ مساپر آنی کساس ھواریں رنگ ءَ 26.7 درسد گیشی بوتگ وھدیکہ ائیر لائن ءِ اِزم ءِ تہ ءَ 17.3 درسد گیشی بوتگ۔ دیوان ءِ تہ ءَ گوشگ بوت کہ پی آئی اے ءِ ڈنی ملک آنی تہ ءَ بال آنی تہءَ گیشی بوتگ ءُُ آیوکیں وھد ءَ ایشی ءِ تہ ءَ انگت گیش گیشی کئیت۔