بنجائی محتسب نا سینئر ایڈوائزر و گریوننس کمشنر سمندر پار پاکستانیز حافظ احسان احمد کھوکھر نا اے پی پی تون ہیت وگپ

اسلام آباد(پاکستان نیوز پوائنٹ 8نومبر2016ء) بنجائی سرکاری ادارہ غاتا لکھ آ ملازم آتے آسراتی فراوان کننگ کن اوفتا ریٹائرمنٹ آن مست اوفتا پنشن نا کاغد آتا تیاری کن ای پنشن (خودکار) نظام اس زوت وضع کننگک۔ بنجائی محتسب نا سینئر ایڈوائزر و گریوننس کمشنر سمندر پار پاکستانیز حافظ احسان احمد کھوکھر داہیت ءِ سے شنبے آ داڑے ”اے پی پی“ تون ہیت وگپ کرساپارے۔

اوپارے کہ دا گام آن بنجائی سرکاری ادارہ غاتا ملازم آتا پنشن نا کاغد آتا بروخت پورو کننگ اٹی کمک رسینگک۔ اوپارے کہ دابابت سے شنبے آ بنجائی محتسب سیکرٹریٹ اٹی دیوان اس مس ہراٹی وزارت خزانہ، اسٹیبلشمنٹ ڈویژن و اکاؤنٹنٹ جنرل آف پاکستان نا سینئر کمامدارآک شرکت کریر۔ اوپارے کہ بنجائی محتسب نا کوشست آتیان بنجائی سرکاری ادارہ غاتا ملازم آتا کیس 30دے انا تخوک آ مدت نا تہٹی چٹفنگرہ۔ دا چرجوئی ٹی تعلقدار ادارہ غاتا بروک آدیوان 23نومبر آ بنجائی محتسب سیکرٹریٹ اٹی مریک۔