اسلام آباد(پاکستان نیوز پوائنٹ 8نومبر2016ء) اسپیکر قومی اسمبلی سردار ایاز صادق پارینے کہ حکیم الامت علامہ محمد اقبال نا کلہو عالم گیر ءِ و اونا شاعری راج انا غٹ تپہ غاتا عکاسی ءِ کیک۔ اقبال نا تعلیم آتیٹی امت ءِ مون تروک ویل آتا ایسری ساڑی ءِ۔ داخیال آتا درشانی ءِ او علامہ اقبال نا 139می یوم پیدائش نا وخت آ تینا کلہو اٹی کرے ہرا ہرسال 9نومبر آ مچ آ ملک اٹی شان و شرف اٹ اڈتننگک۔
اسپیکر پارے کہ علامہ اقبال نا فلسفہ و شاعری جتا وطن نا دوئی کن برصغیر نا مسلمان تا رائے ءِ ہموار کننگ اٹی اہم کڑد ادا کرے و جہد آجوئی ءِ اسہ پبی تحریک اٹی بدل کرے ہرانا نتیجہ ٹی 23مارچ 1940ء آ قرارداد پاکستان منظور مس ہرادے برصغیر پاک و ہند اٹی رہینگوک آ مسلمان تا پبی تائید دوئی ئس۔ اسپیکر پارے کہ علامہ اقبال نا تغ مسلمانان برصغیر کن اسہ نعمت اسے آن کم ہلوکہ ، اونا شاعری مسلمان تیٹی جتا وطن نا دوئی ، ہراڑے او تینا مذہب ، دودوربیدہ و روایت آتا رداٹ زند ءِ تدیفر، کن پوسکن آ جوزہ و ولولہ ودی کرے۔
