اسلام آباد(پاکستان نیوز پوائنٹ 8نومبر2016ء) بنجائی وزیر پارلیمانی سیکرٹری صنعت و پیداوار راؤ محمد اجمل خان پارینے کہ پانامہ لیکس نا پن آ تینا سیاسی دوکان ءِ چمکائفنگ نا کوشست کروک آتے بوز اٹ کنوئی تمک۔ سے شنبے آ اے پی پی تون ہیت وگپ کرسا اوپارے کہ وزیراعظم محمد نواز شریف مسٹ میکو وار ملک انا وزیراعظم گچین مسنے، ہرابندغ آک سیاسی میدان اٹی اونا مقابلہ ءِ کننگ کپسہ داسہ او سازش آتیٹی اختہ ءُ و دُز درگہ آن اقتدار اٹی بننگ خوارہ۔
اوپارے کہ سپریم کورٹ ملک انا بڑزکو ترین و وت واجہ ادارہ ءِ، وزیراعظم سپریم کورٹ آ پت انا درشانی ءِ کرینے تو اپوزیش ءِ ہم سپریم کورٹ انا فیصلہ نا انتظار ءِ کروئی مرے و الزام تراشی نا چرجوئی بایدے بند مرے۔ اوپارے کہ عمران خان ءِ مرے کہ داسہ دستاویزی شاہدی تتون عدالت آ کار و دُن مف کہ گڈ اٹی ولدا او واویلا ءِ شروع کیر۔ اوپارے کہ پانامہ لیکس تون وزیراعظم نا ہچ ءُ تعلق اس اف ولے ہراراہشون آتا تینا پن پانامہ لیکس اٹی ءِ او ہم شور کننگ اٹی ءُ۔
