پاکستان اٹی تعینات بھارت نا ڈپٹی ہائی کمشنر جے پی سنگھ نا دفترخارجہ طلبی، کنٹرول لین آ سیزفائر نا پدریسہ خلاف ورزی آ شدید برانز

پاکستان اٹی تعینات بھارت نا ڈپٹی ہائی کمشنر جے پی سنگھ نا دفترخارجہ طلبی، کنٹرول لین آ سیزفائر نا پدریسہ خلاف ورزی آ شدید برانز

اسلام آباد(پاکستان نیوز پوائنٹ 8نومبر2016ء) پاکستان اٹی تعینات بھارت نا ڈپٹی ہائی کمشنر جے پی سنگھ ءِ سے شنبے نا دے دفترخارجہ بٹنگ انگا و بھارتی فورس آتا کنڈآن کنٹرول لین آ سیز فائر نا پدریسہ خلاف ورزی آ شدید برانز ریکارڈ کننگا۔ دفترخارجہ نا ترجمان نا رداٹ ڈائریکٹر جنرل سویلی ایشیاء و سارک ڈاکٹر محمد فیصل بھارتی ڈپٹی ہائی کمشنر ءِ دفتر خارجہ بٹنگا و 7نومبر آ بھارتی فورس آتا کنڈآن لین آف کنٹرول آ نکیال و جندروٹ سیکٹرز اٹی بلااشتعال سیز فائر نا خلاف ورزی تیا برانزی مراسلہ ءِ اونا حوالہ کننگا۔

بھارتی فورس آتا بلااشتعال سم کاری آن اسہ نیاڑی و چناتے تون اوار مسہ سویلین شہید و چار ٹھپی مسوسر۔ ڈائریکٹر جنرل بھارت آ زورشاغا کہ او سیز فائر معاہدہ نا پابندی ءِ کے، واقعہ نا جاست وپاست آن پاکستان ءِ معلومدار، خلق آتے دانستہ نشانہ جوڑ کننگ آن پانادکے و ایل او سی آ امن ءِ برقرار تخے۔