بگلیا رڈویم آ دیر ءِ بند کننگ آن دریاب چناب اٹی 30ہزار کیوسک دیر کم مس

بگلیا رڈویم آ دیر ءِ بند کننگ آن دریاب چناب اٹی 30ہزار کیوسک دیر کم مس

اسلام آباد(پاکستان نیوز پوائنٹ 8نومبر2016ء) بھارت نا کنڈآن بگلیارڈیم آ دیر ءِ بند کننگ آن دریاب چناب اٹی 30ہزار کیوسک دیر کم مسنے۔ اسہ نجی ٹی وی چینل اس محکمہ انہار پنجاب نا کنڈآن خبر ترسا پارینے کہ بھارت نا کنڈآن بیدادی و سندھ طاس معاہدہ نا خلاف ورزی نا چرجوئی جاری ءِ و بگلیا رڈیم آ دریاب چناب نا دیر ءِ بند کننگ آن ہیڈ مرالہ نا ہند آ دیر انا کہول تمانے۔

محکمہ انہار پنجاب نا کارندہ گلزار نا پاننگ ءِ کہ تدوک آ تو دریاب چناب اٹی دیر انا کہول 40ہزار کیوسک ئس ہراکہ کم مرسا 10ہزار کیوسک سلیسنے، ہرانا سوب ہزار آ ایکڑ آ سلوک فصل آک بھس مننگ نا خلیس ودی مسنے۔ ہندی بندغ آتا پاننگ ءِ کہ ننا دارومدار نہری دیر تیاٹی ءِ و نہرک بارسنو۔ دیر انا کمتی نا سوب مرالہ راوی لنک نہر ءِ ہم بند کننگانے۔ اوحکومت آن خواست کرسا پارے کہ سفارتی کوشست آتون اوار اوار جہانی عدالت انصاف نا درگہ ءِ کھٹکھٹائفنگے تانکہ بھارت ءِ ہندا بیدادی آن توننگ مرے۔