سیالکوٹ(پاکستان نیوز پوائنٹ 8نومبر2016ء) بلدیاتی گچین کاریک پوروی نا ایسری مرحلہ غاتیٹی پترینگانو، دا چرجوئی ٹی پاکستان مسلم لیگ (ن) ضلع کونسل سیالکوٹ نا بزغر ، یوتھ و اقلیتی باسک آتے کن تینا اومیت دار آتے ٹکٹ جاری کرینے، پارٹی نا فیصلہ غاتیا 100درسد عملدرآمد آن ہی پارٹی سوگو مریک۔ داخیال آتا درشانی ءِ بنجائی وزیر دفاع، دیر و بجلی خواجہ محمد آصف وزیر آباد روڈ آ نجی ہوٹل اٹی تحصیل سیالکوٹ نا گچین مروک آ یوسی چیئرمین تا اعزاز اٹی اڈ ہلوک آ دود آن تران کرسا کرے۔
اوپارے کہ اینو اوفتا ہرا ہند ءِ او پارٹی تون بے لوث وفاداری و فیصلہ غاتا شرف نا نتیجہ ءِ ، کنے یخین ءِ کہ مسلم لیگ ن نا عہدیدار و ورکرز پارٹی اومیت دار آتا پبی مخ تفی ءِ کیرہ و اوفتے بھلو گیشتری اسے اٹ سرسہب کرفیرہ ۔ قومی و صوبائی اسمبلی نا باسک ارمغان سبحانی، طارق سبحانی، رانا اقبال ہرناہ، رانا عبدالستار خان، چودھری محمد اکرام ، منشاء اللہ بٹ، چودھری ارشد وڑائچ ، رانا لیاقت ، محسن اشرف، رانا محمد افضل، مسکوہی ایم پی اے چودھری محمد اخلاق، یحیٰ گل نواز و نوید اشرف آن بیدس اومیت دار بزغر سیٹ ضلع کونسل تحصیل سیالکوٹ ظفر گوندل، اومیت دار یوتھ رانا دانیال محمودخان و اقلیتی اومیت دار ڈاکٹر بینجمن اٹی ساڑی ئسر۔
