اسلام آباد(پاکستان نیوز پوائنٹ 8نومبر2016ء) آپریشن ضرب عضب آن زہمی مروک آ قطبی وزیرستان نا بے اُرا بندغ آتا پدی ہِننگ نا مسٹ میکو مرحلہ جاری ءِ داوخت اسکان 54ہزار خاہوت پدی تینا باوہ پیرہ ہی علاقہ غاتیا رسینگانو۔ پدی ہنوک آ بے اُرا بندغ آتے بیست ءُ پنچ ہزار بذریعہ زونگ موبائل سم مالی امداد تننگ انگ ءِ وخت اس کہ 10ہزار روپئی کرایہ نا مد اٹی ادا کننگ انگ ءِ۔
فاٹا کمامدارآتارداٹ فاٹا ٹی آپریشن ضرب عضب آن زہمی مروک آ قطبی وزیرستان نا بے اُرا بندغ آتا پدی ہِننگ نا مسٹ میکو مرحلہ ترندی اٹ جاری ءِ۔ داوخت اسکان 54معزز خاہوت پدی تینا باوہ پیرہ ہی علاقہ غاتیا رسینگانو۔ کمامدارآتارداٹ اولیکو اِرامرحلہ غاتیٹی پنجاہزار خاہوت پدی ہنانو وخت اس کہ مسٹ میکو مرحلہ نا بناء آن گڈ چار ہزار خاہوت پدی تینا باوہ و پیرہ ہی آ علاقہ غاتیا رسینگار۔ بے اُرا بندغ آتا پدی ہِننگ نا وخت آ اوفتے بیست ءُ پنچ ہزار روپئی بذریعہ زونگ موبائل سم مالی امداد وخت اس کہ دہ ہزار روپئی کرایہ نا مداٹی تننگ انگ ءِ۔ کمامدارآتارداٹ بے اُرا بندغ آتے پدی ہِننگ نا وخت آ شش تو اکن مفت خور، گرم کمبل و تمبو تننگ انگ ءِ۔
