اسلام آباد(پاکستان نیوز پوائنٹ 8نومبر2016ء) مچ آ پاکستان آن مسہ لکھ 71ہزار 838رجسٹرڈ اوغان مہاجر وطن آ پدی رسینگار وخت اس کہ دوشنبے آ پنچ ہزار 203بندغ کوئٹہ، پشاور و نوشہرہ آن اوغانستان آ پدی ہنار ۔ وطن آ پدی ہنوک آ رجسٹرڈ اوغان مہاجر آتے چار سد ڈالر فی خاہوت مالی امداد تننگ انگ ءِ۔ سے شنبے آ یو این ایچ سی آر نا نمائندہ قیصر خان آفریدی اے پی پی تون ہیت وگپ کرسا پارے کہ اینخو سال داوخت اسکان جم وڑاٹ مسہ لکھ 71ہزار 838رجسٹرڈ اوغان مہاجر وطن آ پدی رسینگانو۔
دوشنبے آ پنچ ہزار 203بندغ وطن آ پدی ہنانو ہرافتے ٹی 843بلیلی کوئٹہ، چمکنی آن اِرا ہزار 757و ازاخیل آن اسہ ہزار 603رجسٹرڈ اوغان مہاجر وطن آ پدی ہنار۔ اوپارے کہ کوئٹہ آن اوغان مہاجر آتاوطن آ پدی ہِننگ نا عمل 31مارچ اسکان موخر کننگانے وخت اس کہ پشاور اٹی یو این ایچ سی آر نا پدی نا بنجاء دا رجسٹرڈ اوغان مہاجر آتے کن 30نومبر اسکان ملوک مریک ہرافک وطن آ پدی ہِننگ کن تینا فارم آتے پُر کرسا تخوک آ تاریخ ءِ دوئی کرینو۔ اوپارے کہ پاکستان اٹی رجسٹرڈ مہاجر آتا اڈکننگ نا مدت 31مارچ اسکان ودفنگانے ہنداوخت آ رجسٹرڈ اوغان مہاجر آتے پاکستان اٹی ہنکین نا غٹ حق دوئی مریک۔ اوپارے کہ رجسٹرڈ اوغان مہاجر آتے وطن آ پدی ہِننگ نا وخت آ چارسد ڈالر تننگ انگ ءِ۔
