پاک فضائیہ نا سروک تون سعودی رائل ایئر فورس انا کمانڈر نا اوڑدہی ،کسبی و تین پہ تینی است خواہی نا معاملہ غاتیا درشانِ خیال

پاک فضائیہ نا سروک تون سعودی رائل ایئر فورس انا کمانڈر نا اوڑدہی ،کسبی و تین پہ تینی است خواہی نا معاملہ غاتیا درشانِ خیال

اسلام آباد(پاکستان نیوز پوائنٹ 8نومبر2016ء) پاک فضائیہ نا سروک ایئر چیف مارشل سہیل امان تون سعودی رائل ایئر فورس نا کمانڈر میجر جنرل محمد بن صالح العتیبی اوڑدہی کرے ہراٹی کسبی و تین پہ تینی است خواہی نا معاملہ غاتیا درشانِ خیال کننگا۔ ترجمان پاک فضائیہ نا رداٹ سے شنبے آ کمانڈر سعودی رائل ایئر فورس میجر جنرل محمد بن صالح العتیبی ایئر ہیڈ کوارٹر آ سرمس تو ایئر چیف مارشل سہیل امان اونا تینٹ خیرمقدم ءِ کرے و پاک فضائیہ نا اسٹاف افسر آتا درستی راستی ءِ کرفے۔

مہمان شخصیت ءِ پاک فضائیہ نا چاک و چوبند دستہ سلامی ہم تس۔ اوڑدہی نا وخت آ کسبی و تین پہ تینی است خواہی نا معاملہ غاتیا درشانِ خیال کننگا۔ پاک فضائیہ نا سروک پارے کہ سعودی عرب وپاک فضائیہ نا نیام اٹ گچین تعلقداریک اریر ، پاک فضائیہ سعودی فضائیہ نا تربیت ءِ برجاء تخک۔ کمانڈر سعودی رائل ایئر فورس میجر جنرل محمد بن صالح العتیبی دہشت گردی نا برخلاف جنگ اٹی پاک فضائیہ نا کڑد انا ستاءِ کرسا پارے کہ سعودی عرب ہمیشہ ہر مشکل ساہت اٹی پاکستان تون سلک۔ پاک فضائیہ نا کنڈآن کمانڈر سعودی رائل ایئر فورس میجر جنرل محمد بن صالح العتیبی ءِ پاک فضائیہ نا تنظیمی ڈھانچہ و کڑد انا بارواٹی بریفنگ ہم تننگا۔