ھستیں امید گِسی نظام بددستور فعال ءُُ اُلس ءَ ساپیں وڑءَ انساپ دئیگ ءَ انت، چیف جسٹس انور ظہیر جمالی

ھستیں امید گِسی نظام بددستور فعال ءُُ اُلس ءَ ساپیں وڑءَ انساپ دئیگ ءَ انت، چیف جسٹس انور ظہیر جمالی

اسلام آباد(پاکستان نیوز پوائنٹ 7نومبر2016ء) چیف جسٹس انور ظہیر جمالی ءَ گشتگ کہ ھستیں امید گِسی نظام بدستور فعال ءُُ اُلس ءَ ساپ انصاف دئیگ ءَ انت راجی دیمروی ءَ یقینی جوڑ کنگ ءِ ھاتر ءَ وانگی نظام ءَ انفارمیشن ٹیکنالوجی ءِ ذریعہ ءَ شر تری آرگ ءِ باز ضلورت انت۔ آ دو شمبے ءَ پاکستان نیوی ءِ وار کالج ءُُ سٹاف کالج ءِ 84باسکی ٹولہ ءَ گپ ءُُ تران کنگ ءَ ات آئی ءَ ریئر ایڈ مرل امجد خان نیازی ءِ سروکی ءَ آھاں گندءُُ نند کرتگ۔

ٹولہ ءَ دوئیں کالج آنی فیکلٹی باسک ءَ ابید لہتیں ملک آں سیادی داروک کورس ءَ شریدار ہم ھوار ات انت۔ چیف جسٹس ءَ ٹولہ ءَ گپ ءُُ تران کنگ ءَ آئی پاکستان ءِ سرو روژناہی مان کنگ ءِ ھواری ءَ ملک ءِ امید گِسی نظام ءِ باروا ہم وضاحت کرتگ ءُُ گشتگ کہ ھستیں امید گِسی نظام انگریز وھد ءَ چلگ ءَ انت بلے مرچی ہم سوگو ءُُ شر بوھگ ءِ گوں یک منظم وڑ ءَ سائلین آں قانود ءِ ردا ساپ وڑ ءَ انساپ دئیگ ءَ انت۔

چیف جسٹس ءَ ملک ءَ ھستیں وانگی نظام ءِ ھوالہ ءَ گپ ءُُ تران کنگ ءَ ایشی ءَ انفارمیشن ٹیکنالوجی ءِ ذریعہ ءَ شر جوڑ کنگ ءِ ضلورت ءِ سرا زور داتگ ءُُ گشتگ کہ ایشی ءَ راجی دیمروی ءَ کمک بہ رسیت۔ گندءُُ نند ءِ وھد ءَ امجد خان نیازی ءَ گند ءُُ نند ءِ وھد ءَ وھد دئیگءِ سرا چیف جسٹس ءِ شکر ءَ گپتگ۔