اسلام آباد(پاکستان نیوز پوائنٹ 7نومبر2016ء) بنجاہی وزیر برائے منصوبہ بندی ءُُ دیمروی احسن اقبال ءَ گشتگ انت کہ رو برکتی روٹ ءِ سرا زور ءُُ شور ءَ کار برجاہ انت ءُُ روٹ تاں 2018ءَ سرجم بیت آئی ءِ گشگ ات کہ گوادر ءَ تاں کوئٹہ شاہرگ وھد ءَ دیما سرجم کنگ بیت کہ آ اے گپ ءِ ثبوت انت کہ رو برکتی روٹ ءِ سرا کار تیزی ءَ برجاہ انت۔ اے ھیال آنی درشانی آئیءَ سی پیک ءِ سرا یک مراگش ءِ پاگواجہی کنگ ءَ کرتگ۔
خیبرپختونخوا حکومتءِ نیمگءَ سی پیک ءِ معاملہ امید گِس ءَ درخواست دائر کنگءِ ھوالہ ءَ آئی ءِ گشگ ات کہ امید گِس ءَ روگ ءِ پیسلہ وت کے پی کے ءِ ھاتر ءَ مشکل پیداک کنگءِ وجہ ء جوڑ بیت، آئیءَ درستیں گل ءُُ صوبہ آنینمائندگی انت اے کمیٹی ءَ پٹءُُ پول کنگ ءِ جاہ ءَ امید گِس ءَ رجوع کنگ باز غیر ذمہ واریکار انت ۔ آئی ءِ گشگ ات کہ سی پیک ءَ یک صوبہ ءِ گوں ھچ زیاتی نہ بیت بلکں اقتصادی راہداری ءِ منصوبہ ءَ کم دیمروی ءُُ پد منتگیں دمگ آں ز یات پائدگ بیت۔ سیپیک چشیں ھاسیں راجی منصوبہ ءَ گلی ءُُ دمگی مفاد آنی کار مراز کنگ نا شر انت۔
