اسلام آباد۔ 07نومبر (اے پی پی) بنجاہی احتساب بیورو ( نیب) ءِ چیئر مین قمر زمان چوہدری سرکاری تر ءُُ تاب ءِ سرا چین روان بوتگ انت۔ آئی ءَ چین ءِ وزیر برائے سپر ویژن اینڈ انسپکشن ہو آنگ شکشیان ءَ تر ءُُ تاب ءِ دعوت داتگ ات۔ چیئر مین نیب ءِ چین ءَ اڈ بوھگ ءِ وھد ءَ دوئیں ملک بد عنوانی ءِ ھلاسی ءِ باروا کمک ءِ ھاتر ءَ مفاہمت ءِ یادداشت ءِ سرا دستخط کنت۔
اے مفاہمتی یادداشت چین ءُُ پاکستان ءِ نیام زیات بوھگ ءَ اقتصادی ءُُ واپاری کمک ءِ پڑ ءَ باز ارزشت داریت ءُُ دوئیں ملک آنی حکومت ءِ ساپ ءُُ پلگار ءُُ بد عنوانی ءَ پاک چاگرد ءِ ازم ءِ عہد کنت۔ چین روانگی ءِ موہ ءَ گپ ءُُ تران کنگ ءَ چیئر مین نیب ءَ گشتگ کہ چین پاکستان ءِ آزمودہ دوست انت، پاکستان چین ءِ گوں وتی سیادی ءَ باز ارزشت داریت ءُُ دوئیں ملک آنی نیام ءَ دراجیں وھدی سیادی ءَ یکجا حمایت است انت۔ آئی ءَ امیت درشان کرتگ کہ دوئیں دوست ملک آنی نیام ءَ انسداد بد عنوانی ءِ ھاتر ءَ کمک ءَ دِگہ دیمروی بہ رسیت ۔
