ڈوبہ، بد تہذیبی ءُُ دروگ ءِ روچ ھلاس بوتگ، نوں وھد ڈوبہ ءِ نہ ثبوت پیش کنگ ءِ انت،

امید گِس ءَ ثبوت لوٹتگ گڑا پی ٹی آئی ءِ وکیل ءَ نہ داتگ وزیر مملکت برائے اطلاعات ءُُ نشریات مریم اورنگزیب ءِ میڈیا ءِ گوں گپ ءُُ تران

ڈوبہ، بد تہذیبی ءُُ دروگ ءِ روچ ھلاس بوتگ، نوں وھد ڈوبہ ءِ نہ ثبوت پیش کنگ ءِ انت، 
امید گِس ءَ ثبوت لوٹتگ گڑا پی ٹی آئی ءِ وکیل ءَ نہ داتگ وزیر مملکت برائے اطلاعات ءُُ نشریات مریم اورنگزیب ءِ میڈیا ءِ گوں گپ ءُُ تران

اسلام آباد(پاکستان نیوز پوائنٹ 7نومبر2016ء) وزیر مملکت برائے اطلاعات ءُُ نشریات مریم اورنگزیب ءَ گشتگ انت کہ نوں ڈوبہ، بد تہذیبی ءُُ دروگ ءِ روچ ھلاس بوتگ انت، نوں وھد ڈوبہ ءِ نہ ثبوت پیش کنگ ءِ انت، امید گِس ءَ ثبوت لوٹتگ گڑا پی ٹی آئی ءِ وکیل ءَ نہ داتگ۔ مخالف الما ڈوبہ جن انت نوں ثبوت دئیگ ءِ وھد بندات بوتگ انت ءُُ پی ٹی آئی ءِ تچگ ءِ وھد آتکگ انت، دو شمبے ءَ اسلام آباد ءَ میڈیا ءِ گوں گپءُُ تران کنگ ءَ آئی ءَ پی ٹی آئی ءَ گشگ ءَ گشتگ کہ اے امید گِس انت کنٹینر نہ، ادا کس جِست نہ کنت۔

آئی ءَ گشتگ کہ مزن وزیر ءَ پٹ ءُُ پول ءِ ھاتر ءَ سپریم کورٹ نبشتانک نبشتہ کرتگ ات۔ مئے وکیل ءَ ہر ڈوبہ ءِ سرجمی پسو جمع کنائینتگ انت۔ آئی ءَ گشتگ کہ مئے کیس اول روچ ءَ سوگو ات ءُُ ماں عمران خان ءِ تروگیں ڈوبہ ءِ دفاع کنگ ءِ ھاتر ءَ تیار انت۔ آئی ءَ گشتگ کہ امید گِس ءِ شرپ کل آنی سرا لازم انت۔ آئی ءَ گشتگ کہ پانا ما کیس ءِ ھوالہ ءَ پاکستان تحریک انصاف ثبوت پیش کنگ ءَ نا کار بوتگ انت، دروگ گشگ ءَ قیاس آرائی کنگ ءَ انت ءُُ کجام وھد ءَ ثبوت پیش کنگ ءِ وھد کیت گڑا ثبوت پیش کرت نہ کن انت۔

آئی ءَ میڈیا ءَ دست بندی کنگ ءَ گشتگ کہ آ ذمہ واری ءِ ثبوت دئیگ ءَ رپورٹنگ بہ کنت پرچاکہ عمران خان ءِ ھواری ءَ راھشون میڈیا ءِ دیما آ گپ کن انت آئی ءِ امید گِس ءِ تہا ھچ گپ نہ بیت ءُُ نہ چہ آئی ءِ پٹ ءُُ پول ءِ ھچ تعلق بیت انت۔ آئی ءَ میڈیا نمائندگ ءَ گشتگ کہ امید گِس ءِ ریمارکس ءِ ھوالہ ءَ رپورٹنگ ءَ ذمہ واری ءِ ثبوت بہ دئیت۔ آئی ءَ اے امیت ءِ درشانی کرتگ کہ مزن وزیر محمد نوا ز شریف سر خرو بیت۔