کوئٹہ ءَ 200سد ءَ چہ زیات فراری آں توپنگ یل دئیگ ءَ راجی دھارہءَ ھوار بوت انت،

یورپ ءَ نندگ ءَ نام نہاد آجوئی ءِ علمبردار آں مئے درستیں نسل تباہ کرت انت کہ آ نا قابل معافی جرم انت سر وزیر بلوچستان نواب ثناء اللہ خان زہری ءِ کوئٹہ ءَ فراری آں توپنگ یل دئیگ ءَ راجی دھارہ ءَ واپسی ءِ سرا اڈ بوؤکیں دیوان ءَ تران

کوئٹہ ءَ 200سد ءَ چہ زیات فراری آں توپنگ یل دئیگ ءَ راجی دھارہءَ ھوار بوت انت، 
یورپ ءَ نندگ ءَ نام نہاد آجوئی ءِ علمبردار آں مئے درستیں نسل تباہ کرت انت کہ آ نا قابل معافی جرم انت سر وزیر بلوچستان نواب ثناء اللہ خان زہری ءِ کوئٹہ ءَ فراری آں توپنگ یل دئیگ ءَ راجی دھارہ ءَ واپسی ءِ سرا اڈ بوؤکیں دیوان ءَ تران

کوئٹہ (پاکستان نیوز پوائنٹ 7نومبر2016ء) سر وزیر بلوچستان نواب ثناء اللہ خان زہری ءَ کوہ ءِ سرا بوؤکیں فراری کمانڈر ءَ توپنگ مان کنگءُُ راجی دھارہ ءَ واپس ھوار بوھگ ءِ سرا وش آمد کنگ ءَ گشتگ کہ یورپ ءَ نندوک نام نہاد آجوئی ءِ علمبردار آں مئے درستیں نسل آں تباہ کرت انت کہ آ نا قابل معافی جرم انت۔ ڈن نندوک مہلوک ءِ ایجنڈا انت کہ برات ءَ برات ءَ جنگ دئیگ ءُُ آ وتی مذموم مکسد ءِ سرجمی ءِ ھاتر ءَ وت میدان ءَ آھگ ءِ جاہ ءَ معصوم شہری آں کار مرز کنگ ءَ انت۔

بلے ماں پیسلہ کرتگ انت کہ ہر حالت ءَ پاکستانءُُ بلوچستان ءِ اُلس ءَ امن دئیگ ءُُ وطن عزیز ءِ دفاع ءُُ سلامتی ءِ ھاتر ءَ ہر قربانی ءَ پشت نہ باں۔ اے گپ آئی ءَ سر وزیر سیکرٹریٹ ءَ 200سد مردم آں چہ زیات فراری آں توپنگ مان کنگ ءِ موہ ءَ اڈ بوؤکیں دیوان ءَ تران کنگ ءَ کرتگ۔ توپنگ مان کنوکیں مردم آں چہ 75فراری اوگانستان ءَ آتکگ ات انت۔ سر وزیر بلوچستان نواب ثناء اللہ خان زہری ءَ گشتگ کہ ملک دژمن مردم معصوم مہلوک ءَ توپنگ دئیگ ءَ ریاست ءِ ھلاپ جنگ کنگ ءَ انت وت یورپ ءِ محلات ءَ نندگ ءَ آرام ءِ زند گوازینگ ءَ انت بلے ماں پیسلہ کرتگ انت کہ اے لیب دِگہ دیما نہ روت ءُُ ہر ھالت ءَ پاکستان ءُُ بلوچستان ءِ دفاع ءُُ رکھگ ءِ ھاتر ءَ ہر قربانی بہ دئینت۔

نواب ثناء اللہ خان زہری ءَ گشتگ کہ کابل، قندھار، سپین بولدک ءَ نندوک مہلوک واپس آھگ ءَ راجی دھار ءَ ھوار بہ بئینت حکومت ءُُ عسکری سروک آھاں وش کنگ ءَ آھاں سینگ ءَ جنئگ ءِ ھاتر ءَ تیار انت۔ سر وزیر بلوچستان ءَ توپنگ شانک دئیگ ءُُ راجی دھارہ ءَ ھوار بوھگءِ سرا فراری آں بلوچستان ءِ اُلس ءُُ حکومت ءِ نیمگ ءَ مبارکباتی دئیگ ءَ گشتگ کہ فر اری آنی پیسلہ ءَ بلوچستان ءِ سرا دوریں اثر کپیت۔

دیوان ءَ ھلاسی ءَ توپنگ شانک دئیگ ءُُ راجی دھارہ ءَ ھوار بوؤکیں بلوچستانءِ لہتیں دمگ آں سیادی داروکیں مردم آں نقد زر دئیگ ءَ چوشکہ دیوان ءَ راجی ترانہ ءُُ ملی نغمہ پیش کنگ ءَ نو در بر آنی ھاتر ءَ سر وزیر بلوچستان ءِ نواب ثناء اللہ خان زہری ءَ 5لکھ کلدار دئیگ ءِ جار جتگ۔ دیوان ءَ کمانڈر سدرن کمانڈ لیفٹیننٹ جنرل عامر ریاض، انسپکٹر جنرل فرنٹیئر کور بلوچستان، چیف سیکرٹری سیف اللہ چٹھہ، صوبائی وزیر میر سر فراز بگٹی، سر دار مصطفی خان ترین، نواب ایاز خان جوگیزئی، شیخ جعفر خان مندوخیل، میر مجیب الرحمن محمد حسنی، نواب محمد خان شاہوانی، ترجمان حکومت بلوچستان انوار الحق کاکڑباسک بلوچستان اسمبلی سردار صالح بھوتانی ، مولوی معاذ اللہ، میر عبدالقدوس بزنجو، نصر اللہ خان زیرے، لیاقت آغا، میر عاصم کرد گیلو، حاجی اکبر آسکانی ، طاہر محمود خان، سر وزیر ءِ مشیر حاجی محمد خان لہڑی، عبید اللہ بابت، مرزا شمشاد، علاؤ الدین کاکڑ، جمال شاہ کاکڑ، آغا نواب شاہ، غازی خان پندرانی، صوبائی سیکرٹری ڈاکٹر اکبر حریفا، سیکرٹری خزانہ اکبر حسین درانی، سیکرٹری لیب ءُُ امور ورنا عصمت اللہ خان کاکڑ، سیکرٹری پبلک ہیلتھ انجینئرنگ شیخ نواز مندوخیل، سیکرٹری ملازمت ہائے عمومی نظم ءُُ نسق بلال جمالی ہم ھوار ات۔