اسلام آباد(پاکستان نیوز پوائنٹ 7نومبر2016ء) اسپیکر قومی اسمبلی سردار ایاز صادق نا دوشنبے آ 2دے ئی دورہ غا بحرین آ سرمسنے ہراڑے بحرینی پارلیمنٹ نا اسپیکر احمد بن ابراہیم ال ملا، پاکستانی سفیر جاوید ملک و بحرین پارلیمنٹ نا سینئر باسک آک اودے بخیر کریر۔ داوخت آ ہیت وگپ کرسا پاکستانی سفیر جاوید ملک پارے کہ بحرینی اسپیکر نا ذاتی وڑاٹ ایئر پورٹ آ بننگ پاکستان و بحرین نانیام اٹ سوگوی و دیرینہ تعلقداری تا منہ بولتا ثبوت ءِ و بحرین نا حکومت و الس نا کنڈآن پاکستان ءِ تروک آ اہمیت نا عکاسی ءِ کیک۔
پاکستانی سفیر جاوید ملک پارے کہ پاکستان بحرین و خلیجی ملک آتون سوگو و دیر پا تعلقداری تے پین سوگو کننگ آ باور کیک و ہڑتوم آ ملک آتا باسک پارلیمنٹ نا اوڑدہی آن پاک بحرین تعلقداری تیٹی پین ودیکی بریک۔ اسپیکر قومی اسمبلی بحرینی پارلیمنٹ نا دیوان اٹی شرکت و ڈل انا کہول آ مذاکرات نا سروکی ءِ کیک۔
