اسلام آباد(پاکستان نیوز پوائنٹ 7نومبر2016ء) وزارت ڈٹ بندی و شونتری اینخو مالی سال سرکاری بشخ انا شونداری پروگرام تیٹی کیہی وزارت و ڈویژن آتا شونداری پروگرام تے کن جمی وڑاٹ 1کھرب 51ارب روپئی آن زیات نا فنڈز جاری کرینے۔ حکومت اینخو مالی سال انا وخت سرکاری بشخ انا شونداری پروگرام تے کن 8کھرب روپئی نا فنڈز جتا کرینے۔ کمیشن نا برجاء کروک حساب وکتاب نارداٹ حکومت نیشنل ہائی وے اتھارٹی کن 19ارب ، واپڈا پاور سیکٹر کن 6ارب 80کروڑ، اے جے کے بلاک کن 5ارب 5کروڑ، پائیدار شون ہدف آتا دوئی کن 20ارب، عارضی وڑاٹ بے اُرا مروک آ بندغ آتا بحالی کن 42ارب روپئی نا فنڈز اتون اوار کیہی شونداری ڈٹ آتے کن فنڈز جاری کرینے۔
کیہی وزارت و ڈویژن آتا شونداری پروگرام تے کن جمی وڑاٹ 1کھرب 51ارب روپئی آن زیات نا فنڈ ز انا اجراء
8 سال دیما
