اسلام آباد(پاکستان نیوز پوائنٹ 7نومبر2016ء) وزیر مملکت کیپٹل ایڈمنسٹریشن اینڈ ڈویلپمنٹ ڈویژن (کیڈ) طارق فضل چوہدری پارینے کہ پاکستان تحریک انصاف ءِ عدالت نا فیصلہ نا انتظارءِ کروئی مرے۔ دوشنبے آ سپریم کورٹ نا پیشن میڈیا تون ہیت وگپ کرسا اواومیت ظاہر کرے کہ وزیراعظم محمد نواز شریف نا برخلاف خلوک آ دوبہ غاک غلط ثابت مریرہ و داڑآن پی ٹی آئی نا برانز نا سیاست چٹک۔
داوخت آ پاکستان مسلم لیگ (ن) ناراہشون طلال چوہدری پارے کہ پی ٹی آئی نا چیئرمین عمران خان وزیراعظم محمد نواز شریف کن الس نا مخ تفی و اونا مقبولیت آن خوفزدہ ءِ۔ وزیراعظم ہچ ءُ آف شور کمپنی اس اف اونا باوجود اوتینے احتساب کن پیش کرے۔ اوپارے کہ عمران خان حکومت ءِ نزور کننگ خواہک۔ طلال چوہدری پارے کہ پاکستان تحریک انصاف نا راہشون اونا برخلاف کرپشن نا دوبہ غاتے داوخت اسکان ثابت کننگ کتنے۔ اوپارے کہ پی ٹی آئی نا چیئرمین نا منفی سیاست ملکی شون نا کسر اٹی اڑاند ءِ۔ طلال چوہدری پارے کہ مسکوہی نا دھرنہ غاتیان ملک ءِ بھلو کچ اسے آ نسخان رسینگا و شونداری عمل اٹی اڑاند شاغنگا۔ اوپارے کہ وزیراعظم نا سیاست اف بلکن ملک انا شون و عزت ءِ۔
