پنجگور(پاکستان نیوز پوائنٹ 7نومبر2016ء) بنجائی وزیر سیمی امور لیفٹیننٹ جنرل (ر) عبدالقادر بلوچ پنجگور اٹی پوسکنا پاسپورٹ آفس نا افتتاح و بجلی نا پوسکنا گریڈ اسٹیشن نا بنداو ءِ تخا۔ داوخت آ ہیت وگپ کرسا اوپارے کہ وزیراعظم محمد نواز شریف نا سروکی ٹی اڈ ہلوک آ ساڑی آ بنجائی حکومت بلوچستان نا تہٹی احساس محرومی نا چٹفنگ کن ممکن گام چست کننگ ءِ اوپارے کہ ساڑی آ حکومت نا دور اٹی بلوچستان اٹی ریکارڈ شونداری کاریم سرانجام تننگ انگ ءِ اوپارے کہ پنجگور اٹی پوسکنا پاسپورٹ آفس نا افتتاح و بجلی نا پوسکنا گریڈ نا بنداو ءِ تخنگ آن ہندی خلقت آتون کروک آ نن اسہ پین وعدہ اسے پورو کرینن اوپارے کہ پاسپورٹ آفس نا اڈتننگ نہ صرف ہندی خلقت آتا مشکلات آتے کم کننگ اٹی کمک ایتک بلکن روزگار نا پوسکنا وارخواہی ہم ودی مریک اوپارے کہ 2018ء اسکان ملک اٹی بجلی نا لوڈشیڈنگ نا پورو خاتمہ مریک انتئے کہ بجلی نا کیہی ڈٹ آتیا وزیراعظم محمد نواز شریف نا خصوصی است خواہی نا سوب کاریم جاری ءِ۔
اوپارے کہ پنجگور اٹی بجلی نا پوسکنا گریڈ اسٹیشن نا بنداو ءِ تخنگ ہم ہندا ڈٹ آتا اسہ بشخ اسے بنجائی وزیر پارے کہ اسہ قوم اس ہم تعلیم آن بیدس شون ہلنگ کپک انتئے کہ شون نا درگہ تعلیم نا چابی آن ملنگک اوپارے کہ بلوچستان نا ورناتے تعلیم خاص کر فنی تعلیم نا کنڈا خاص توجوہ تروئی مرے انتئے کہ سی پیک نا رداٹ اڈ ہلوک آ صنعت آتیٹی فنی تعلیم آن فارغ التحصیل ورناتے کن روزگار نا بھلو وارخواہی اس ودی مننگ والا ءِ۔
