اسلام آباد(پاکستان نیوز پوائنٹ 4 نومبر2016ء) بنجاہی وزیر دفاعی پیداوار رانا تنویر حسینءِ سروکیءَ گڈانی وھیلءِ پٹ ءُُ پول ءِ ھاتر ءَ جوڑ کرتگیں گڈانی شپ یارڈ ءِ ترءُُ تاب کرتگ۔ مہران بیس کراچیءَ حکام ءَ وھیل ءِ ھوالہ ءَ بریفنگ داتگ۔ ترجمان وزارت دفاعی پیداوار ءِ ردا مزن وزیر محمد نواز شریف ءَ گڈانی ءِ وھیل ءِ پٹءُُ پول ءِ ھاتر ءَ بنجاہی وزیر دفاعی پیداوار رانا تنویر حسین ءِ سروکی ءَ کمیٹی اڈ داتگ۔
کمیٹی ءِ باسک آئی ءَ کمیٹی کابینہ ، سیکرٹری دفاعی پیداوار ، سیکرٹری پورٹس ایند شپنگ، چیف سیکرٹری بلوچستان، ایڈیشنل سیکرٹری دفاع ءُُ منیجنگ ڈائریکٹر کراچی شپ یارڈ اینڈ انجینئرنگ ورکس ھوار انت۔ پٹءُُ پولی کمیٹی ءَ جمعہ ءَ گڈانی شپ یارڈ ءِ تر ءُُ تاب کرتگ۔ مہران بیس کراچیءَ بنجاہی وزیر دفاعی پیداوار رانا تنویر حسین ءِ پاگواجہی ءَ اڈ بوؤکیں اولی با ضابطہ مراگشءَ ہمگرنچ حکامءَ وھیل ءِ ھوالہءَ بریفنگ داتگ۔
مزن وزیر محمد نواز شریف ءَ کمیٹی ءَ وھیلءِ وجہ جست کنگ ءُُ ذمہ واراں معلوم کنگءِ ٹاسک داتگ انت۔ بنجاہی وزیر رانا تنویر حسین ءَ گشتگ کہ پٹ ءُُ پولی کمیٹی15 روچ آں وتی رپورٹ مزن وزیر ءَ پیش کرتگ اے وھیل ءِ کجام ہم ذمہ وار بیت آئیءِ ھلاپ سک کارروائی کنگ بیت۔
