مسٹ میکو مرحلہ ٹی قطبی وزیرستان نا مسہ ہزار بے اُرا خاہوت تینا باوہ پیرہ ہی علاقہ غاتیٹی رسینگانو، پولیٹیکل ایجنٹ

اسلام آباد(پاکستان نیوز پوائنٹ 4 نومبر2016ء) قطبی وزیرستان نا بے اُرابندغ آتا تینا اُراتا پدی ہِننگ نا مسٹ میکو مرحلہ ٹی 3ہزار خاہوت تینا باوہ پیر ہ ہی علاقہ غاتیا رسینگانو۔ قطبی وزیرستان نا پولیٹیکل ایجنٹ جمعہ آ اے پی پی تون ہیت وگپ کرسا پارے کہ آپریشن ضرب عضب اٹی زہمی مروک آ قطبی وزیرستان نا بے اُرا بندغ آتا پدی ہِننگ نا اولیکو اِرا مرحلہ غاتیٹی 50ہزار خاہوت پدی تینا باوہ پیرہ ہی علاقہ غاتیا ہنانو ولے سیکورٹی فورسز آتا کنڈآن قطبی وزیرستان نا جتا علاقہ کلیئر مننگ آن گڈ بے اُرا بندغ آتا پدی ہِننگ نا مسٹ میکو مرحلہ نا بناء کننگانے ولے داوخت اسکان 30ہزار خاہوت پدی ہِننگ نا مسٹ میکومرحلہ ٹی تینا باوہ پیرہ ہی علاقہ غاتیا رسینگانو ولے پدی ہِننگ نا مرحلہ جاری ءِ اومیت ءِ کہ 15ہزار خاہوت مسٹ میکو مرحلہ ٹی قطبی وزیرستان نا کیہی علاقہ غاتیٹی پدی رسینگرہ۔