بھارت پاکستان ءِ نزور کننگ نا کوشست اٹی اختہ ءِ ، ساڑی آ حکومت کشمیر نا ویل ءِ مچ آ دنیا ٹی تالان کرے، شیخ روحیل اصغر

بھارت پاکستان ءِ نزور کننگ نا کوشست اٹی اختہ ءِ ، ساڑی آ حکومت کشمیر نا ویل ءِ مچ آ دنیا ٹی تالان کرے، شیخ روحیل اصغر

اسلام آباد(پاکستان نیوز پوائنٹ 4 نومبر2016ء) قومی اسمبلی نا سٹینڈنگ کمیٹی برائے دفاع نا چیئرمین شیخ روحیل اصغر پارینے کہ پاکستان مسلم لیگ (ن) نا ساڑی آ حکومت ملک اٹی انتہاپسندی و دہشت گردی ٹی بھارت نا اوار مننگ ءِ بے نقاب کرینے۔ احوالکارآتون ہیت وگپ کرسا اوپارے کہ بھارت پاکستان نا وجود ءِ اینو اسکان امنا کتنے۔ او پاکستان ءِ نزور کننگ و انتشار تالان کننگ نا کوشست اٹی اختہ ءِ۔

اوپارے کہ بھارت دامقصد کن اوغانستان اٹی سفارتخانہ و دفتر ملانے ہراکان او فاٹا ، بلوچستان و کراچی ٹی دہشت گردی کننگ ءِ ولے پاکستان مسلم لیگ (ن) نا ساڑی آ حکومت نا گچین حکمت عملی نا سوب بھارت ءِ بے سہبی نا مون تروکی و بوز اٹی کنوئی تمنگ ءِ۔ شیخ روحیل اصغر پارے کہ مسکوہی دور آتیٹی ہم بھارت پاکستان اٹی دہشت گردی و انتہاپسندی کریکہ ، اوپارے کہ دابھاز خوش آئند ہیت اسے کہ ساڑی آ حکومت پاکستان اٹی کلبھوشن یادیو ءِ دزگیر و بھارتی سفارتکار آتے جاسوسی و انتہاپسندآتا کمکاری نا دوبہ غاتا شاہدی ملنگ آ ملک بدر مننگ نا حکم تسنے ہراڑآن بھارت دنیا نا مون آ بے نقاب مسنے۔

اوپارے کہ دا کریڈٹ ہم ساڑی آ حکومت ءِ کاہک کہ او بھارت نا خن تیٹی خن خلسا ہیت کرے و کشمیر نا ویل ءِ مچ آ دنیا ٹی تالان کرینے۔