پاکستان دہشت گردی نا برخلاف بے پرخ کارروائی کننگ ءِ،

اسلام آباد(پاکستان نیوز پوائنٹ 4 نومبر2016ء) امریکہ ٹی پاکستان نا سفیر جلیل عباس جیلانی پارینے کہ پاکستان دہشت گردی نابرخلاف بے پرخ کارروائی کننگ ءِ و حکومت نا گچین آ پالیسی تا سوب ملک اٹی امن و ایمنی نا حالیت آتیٹی گچینی بسنے۔ ریڈیو پاکستان نا رداٹ پاکستانی سفیر واشنگٹن اٹی ویمن پالیسی رڑ آن تران کرسا پارے کہ پاکستان دہشت گردی نا برخلاف بے پرخ کارروائی کننگ ءِ و دا غٹ حکومت نا گچین آ پالیسی تا بدولت ممکن مسنے ہرانا سوب ملک اٹی اقتصادی ٹک و امن وایمنی ٹی گچینی بسنے۔ پاکستانی سفیر پارے کہ اودے خوشی ءِ کہ بین الاقوامی مالیاتی ادارہ غاک ہم پاکستان نا اقتصادی شون نا اعتراف ءِ کرینو۔