وزیراعظم محمد نواز شریف نا پی ٹی وی نا مسکوہی پروڈیوسر و ڈائریکٹر یاور حیات نا کذیت آ ہڑزخواہی نا درشان

اسلام آباد(پاکستان نیوز پوائنٹ 4 نومبر2016ء) وزیراعظم محمد نواز شریف پاکستان ٹیلی ویژن نا مسکوہی پروڈیوسر و ڈائریکٹر یاور حیات نا کذیت آ افسوز نا درشانی ءِ کرسا پارینے کہ پاکستانی ڈرامہ انڈسٹری کن اونا خذمت آتے ہرے اسکان یات تخنگک۔ جمعہ آ تینا ہڑزخواہی کلہو اٹی وزیراعظم پارے کہ پاکستانی ڈرامہ انڈسٹری نا مون آ دننگ کن ایماندار نا خذمت آتے خیسن نا لوز آتیٹی یات تخنگک۔ وزیراعظم پارے کہ یاور حیات نہ صرف اسہ غیر معمولی ءُ پروفیشنل اس بلکن اسہ عمدہ انسان اس ہم ئس۔ اودعا کرے کہ اللہ تعالیٰ ایماندار ءِ جنت الفردوس اٹی جاگہ و پدسلوک خاہوت ءِ دا صدمہ ءِ برداشت کننگ نا حوصلہ عطاء فرمائفے۔