وزیراعظم محمد نواز شریف نا چینی زرکار کمپنی تا کنسورشیم نا ڈل اتون اوڑدہی ٹی ہیت وگپ

وزیراعظم محمد نواز شریف نا چینی زرکار کمپنی تا کنسورشیم نا ڈل اتون اوڑدہی ٹی ہیت وگپ

اسلام آباد(پاکستان نیوز پوائنٹ 4 نومبر2016ء) وزیراعظم محمد نواز شریف پارینے کہ مسکوہی مسہ سال اٹی پاکستان نا اقتصادی حالیت آک یکسر بدل مسنو و اونا جہانی کہول آ ہم ستاءِ کننگ انگ ءِ ۔ افراط زر انا کچ اٹی پدریسہ کمتی نا رجحان ءِ ۔ درملکی زرمبادلہ نا کوڑی 24ارب ڈالر آن تجاوز کرینے ۔ اوداہیت ءِ چینی زرکار کمپنی تا کنسور شیم نا ڈل اتون جمعہ آ ایوان وزیراعظم اٹی ہیت وگپ کرسا پارے۔

وزیراعظم ڈل انا جم و جوش اٹ خیرمقدم ءِ کرسا پارے کہ ہر تدینگوک آ دے اتون سوگو مرسا سدابہار سنگتی و کمکاری آ چین نا سروک و برادر الس نا منت واراُن۔ اوپارے کہ سی پیک اسہ گیم چینجر اسے ہرا ڈیہہ نا ارب آخلقت آتا زند آبدلیفک ۔ اوپارے کہ پاکستان نا اقتصادی منظرنامہ مسکوہی مسہ سال اٹی یکسر بدل مسنے ہرانا اعتراف ءِ جہانی کہول آ کننگ انگ ءِ۔

”سٹینڈرڈ اینڈ پوورز“ ہم پاکستان نا رینکنگ ”منفی بی“ آن ”بی“ کرینے۔ پاکستان ”ڈوئنگ بزنس 2017ء رپورٹ“ اٹی داسال گچین کارکڑد نشان تروک آ 10سرکڑدہ ملک آتیان اسٹ ءِ۔ اوداہیت آ است جمی نا درشانی ءِ کرسا پارے کہ افراط زر انا کچ پدریسہ شیف ہِننگ ءِ۔ پٹرولیم مصنوعات آتا نرخ آتیٹی کمتی آن ہم افراط زر اٹی کمتی بسنے۔ درملکی زرمبادلہ نا کوڑی داسہ 24ارب ڈالر آن تجاوز کرینے۔

وزیراعظم ڈل ءِ پارے کہ ننا زرکاری پالیسی درملکی زرکاری ءِ اتنگ کن سازگار کاروباری چاگڑد ودی کننگ کن جامع ڈھانچہ فراوان کننگ کن وضع کننگانے۔ اوپارے کہ پاکستان نا پالیسی رجحانات لبرلائزیشن ، ڈی ریگولیشن ، پرائیویٹائزیشن تون ہم آہنگ ءِ و دارداٹ آسراتی تا فراوانی ءِ اولین حیثیت دوئی ءِ۔ اوپارے کہ خصوصی اقتصادی زونز انا کانود اس وضع کننگانے تانکہ براہ راست زرکاری نا دوئی کن مسابقت نا جہانی چیلنج آتون مون تننگ مرے۔

وزیراعظم خزانہ، پٹرولیم و قدرتی وسیلہ نا وزارت، سیکرٹری دیر و بجلی و کیپٹل ڈویلپمنٹ اتھارٹی تون چینی ڈل انا اوڑدہی تا ستاءِ کرسا اومیت ظاہر کرے کہ چینی ڈل انا باسک آتے پاکستان نا انفراسٹرکچر نا شون، توانائی و مواصلات نا بشخ آتیٹی زرکاری نا بھلا گمان آتا بارواٹی کیہی وزارت آتا کنڈآن تروک آ بریفنگ ناتناظر اٹی ڈل انا دورہ بھاز فائدہ مند ثابت مریک۔

داوخت آ ڈل انا باسک آک اقتصادی بحالی و ملک ءِ شون نا کسر آ شاغنگ کن وزیراعظم نا وژن نا ستاءِ کریر۔ ڈل پارے کہ پاکستان براہ راست درملکی زرکاری ءِ جذب و اوڑآن فائدہ ہرفنگ کن پوروی اٹ تیار و اونا لائخی تخک۔ ڈل وزیراعظم ءِ پارے کہ او انفراسٹرکچر ڈویلپمنٹ و توانائی نا بشخ آتیا خصوصی توجوہ نا حامل وزیراعظم نا وژن نا بناء آ پاکستان کن 3ارب ڈالر زرکاری فنڈ اتنگ ءُ۔

چینی ڈل حکومت پاکستان نا موکل آن گڈ پاکستان اٹی اسہ پوسکنو ایئر لائن اس شروع کننگ نا گمان اس پٹنگ کن تینا ارادہ غاتا ہم درشانی ءِ کرے۔ ڈل پارے کہ او انفراسٹرکچر ، بجلی ، تہو بازی و ٹوراز م نا بشخ آتیٹی زرکاری نا سرگرمی اٹ پیروی ءِ کننگ ءِ۔ نن وزیراعظم محمدنواز شریف نا وژن نا ستاءِ کینہ ہرا داہیت انا حامل ءِ کہ اقتصادی شونہالی بنداوی ڈھانچہ آ مبنی مواصلاتی رابطہ و توانائی نا بشخ اٹی خودانحصاری تون منسلک ءِ۔

ڈل انا باسک آک پاریر کہ ساڑی آ حکومت وزیراعظم محمد نواز شریف نا سروکی ٹی بنداوی ڈھانچہ نا شون و توانائی ٹی خودانحصاری نا دوئی ٹی بھاز زیات کاریم کرینے۔ اوفک پاریر کہ ساڑی آ حکومت آزادانہ زرکاری نظام نا حامل ءِ ہرا مثالی و زرکاری دوست چاگڑداس پیش کیک ہراڑکن وزیراعظم نواز شریف نا قائدانہ کڑد بے کچ ستاکڑزک۔