کوئٹہ(پاکستان نیوز پوائنٹ 3 نومبر2016ء) میئر کوئٹہ میٹرو پولیٹن کار پوریشن ڈاکٹر کلیم اللہ کاکڑ ءَ 22می مڈ کیریئر مینجمنٹ کورس ءِ شریدار آں گندءُُ نند کرتگ۔ اے موہ ءَ ڈپٹی میئر محمد یونس بلوچ ، میونسپل کمشنر عبداللطیف کاکڑ، چیف انجینئر اسحاق مینگل، چیف انجینئرنگ عبدالحق ءُُ دومی حکام ہم ھوار ات انت۔ اے نشست دو کلاک ءَ برجاہ منتگ۔ اے گند ئُُنند ءَ شہر ءِ لہتیں مسئلہ، ورگ ءِ ساپیں آپ ءِ شہر ءَ کمی، نکاسی آپ، ٹریفک مسئلہ، پارکنگ پلازہ آنی جوڑءُُ جاڑی، درستیں صوبہ ءِ بلدیاتی ادارگ ءِ وت واجہی، فنڈ ءُُ شہری آنی شہری ذمہ واری، شہر ءِ براھداری ءُُ روایتی براھداری ءِ بحالی ءِ ھواری ءَ دومی مسئلہ آنی سرا بحث کرت انت۔
ھاسیں وڑ ءَ بلدیاتی ادارگ ءُُ بیورو کریسی ءِ نیام ءَ وت واجہی بہر ءُُ بانگ کنگ ءِ سرا سرجمی ءَ گپءُُ تران کرت انت دیما میئر کوئٹہ ڈاکٹر کلیم اللہ کاکڑ ءَ کورس ءِ شریدار آں میٹرو پولیٹن کار پوریشن آھگ ءِ سرا وش آت کرتگ ءُُ اے موہ ءَ شریدار آں گوں میٹرو پولیٹن کار پوریشن ءِ سرجمی کار ءُُ کرد ءُُ دومی مسئلہ ءُُ وسیلگ ءِ سرا سرجمی ءَ ھیالءُُ لیکھہ ہم کرت انت۔
