پنڈی بھٹیاں ءَ موٹروے ءِ سرا سک دھوت ءِ وجہءَ 15گاڑی ڈک گپت انت، 10مردم بیران، 70ٹپی

اسلام آباد(پاکستان نیوز پوائنٹ 3 نومبر2016ء) پنڈی بھٹیاں ءَ موٹروے ءِ سرا سک دھوت ءِ وجہءَ 15گاڑی ڈک گرگ ءِ آسر ءَ 10مردم بیران بوت انت ءُُ 70ٹپی بوت انت۔ نجی ٹی وی چینلءِ ردا پنچ شمبے ءِ سہب پنڈی بھٹیاں ءَ موٹروے ءِ سکھی ءِ نزد باز دھوت ءِ وجہ ءَ 15مساپر گاڑی وت ءَ ڈک گرگ ءِ آسر ءَ10مردم بیران بوت انت ءُُ 70ٹپی بوت انت۔ ریسکیو حکام ءِ ردا بیران بوؤک آنی لاش ءُُ ٹپی آں سول ہسپتال پنڈی بھٹیاں برت انت ۔ دلگوش بہ بیت کہ سردی آھگ ءِ گوں پنجاب ءِ لہتیں شہر آں دھوت ءِ وجہءَ وھیل ءَ بے پناہ اضافہ بوتگ انت۔ محکمہ موسمیات ءَ اے دھوت ءَ سموگ یعنی، گرد آلود دھوت ءِ نام داتگ انت۔ محکمہ موسمیات ءِ ردا سموگ ءِ سلسلہ آؤکیں تاں5روچ ءَ برجاہ بوھگ ءِ امیت انت۔