اسلام آباد(پاکستان نیوز پوائنٹ 3 نومبر2016ء) پاکستان ءُُ چین ءَ سٹریٹجک پارٹنر شپ ءِ ھواریءَ دو نیمگی سیادی ءِ درستیں شعبہ ءَ کمکبرجاہ دارگ ءِ سرا تپاک کرت انت۔ اے تپاک پنچ شمبے ء کرغزستان ءِ دارالحکومت بشکیک ءَ 15می شنگھائی تعاون تنظیم ءِ حکومتی سروک کونسل دیوان ءِ موہ ءَ مشیر خارجہ سرتاج عزیز ءُُ چین ءِ وزیر خارجہ وانگ ئی ءِ نیام ءَ گند ءُُ نند ءِ وھدءَ گندگ بوتگ۔
دفتر خارجہ ءِ ترجمان ءِ ردا دوئیں راہشون آں دو نیمگی سیادی ئِد رستیں پہلو ءِ سرا بحث کرت انت ایشی ءَ پیش رفت ءِ سرا تسلا ءِ درشانی کرت انت۔ اے موہ ءَ اوگانستان، کشمیر ءُُ جنوبی ایشیاء ءِ ھواری ءَ دمگی ءُُ میاں استمانی امور ءِ سرا ھیال ءُُ لیکھہ کرت انت۔ دوئیں فریق آں دو نیمگی سیادی ءِ درستیں شعبہ آں کمک ءُُ سٹریٹجک پارٹنر شپ ءِ باروا مشورگ برجاہ دارگ ءِ سرا تپاک کرت انت۔
آئی ءَ اقوام متحدہ ءِ ھواری ءَ دومی کثیر الجہتی فورمز ءِ سرا نزیکی کمک ءِ سرا ہم تپاک کرت انت۔ پاکستانءَ شنگھائی کمک تنظیم ءِ سرجمیں باسک جوڑ بوھگءِ سرا چینءِ شکر ءَ گپتگ۔ چینءِ وزیرءَ گشتگ کہ چین پاکستان سدا بہار دوستءُُ سٹریٹجک پارٹنر انت۔ آئی ءَ گشتگ کہ چین نا شرکاری ءِ ھلاپ جنگ پاکستانءِ قربانی ءُُ کوشست آں قدر ءِ نگاہ ءَ سیل کنت۔
