مزن وزیر محمد نواز شریف ءِ کراچی ءَ ٹرین وھیلءِ انکوائری ءِ حکم ھدا مرزی آنی مغفرت، ٹپی آں زوت جان سلامتیءِ ھاتر ءَ دعا

اسلام آباد(پاکستان نیوز پوائنٹ 3 نومبر2016ء) مزن وزیر محمدنواز شریف ءَ کراچی ءَ ٹریک وھیلءِ انکوائری ءِ حکم دئیگ ءَ ہمگرنچ حکام ءَ پستگیں مردم آں زندہ بچائینگ ءِ ھاتر ءَ زوتیں کمکی کار ءِ پنتءُُ شون کرتگ انت ۔ مزن وزیر ءَ اے اپسوزناک وھیل ءَ ٹپی بوؤکیں مردم آنی شریں دارو درمانی آسراتی ءِ ہم پنت ءُُ شون کرتگ انت۔ آئیءَ دعا کرتگ کہ اللہ تعالیٰ ھدا مرزی آں وتی رحمت ءَ جاگہ بہ دنت ءُُ پد منتگیں ھاندانءَ اے ڈکھ برداشت کنگءِ دلبڈی بہ دنت۔ آئی ءَ ٹپی آنی زوت جان سلامتیءِ ھاترءَ ہم دعا کرتگ۔ مزن وزیر ءَ گشتگ کہ اے وھیل ءِ ذمہ وار مردم آں سک سزا بہ دئیت۔