وزیراعظم محمد نواز شریف ءِ آئی ایم ایف نا کمکاری آن اقتصادی اصلاحات پروگرام پورو کننگ آ کرسٹین لاگارڈنا مبارکباد

وزیراعظم محمد نواز شریف ءِ آئی ایم ایف نا کمکاری آن اقتصادی اصلاحات پروگرام پورو کننگ آ کرسٹین لاگارڈنا مبارکباد

اسلام آباد(پاکستان نیوز پوائنٹ 3 نومبر2016ء) جہانی مالیاتی فنڈ آئی ایم ایف نا منیجنگ ڈائریکٹر کرسٹین لاگارڈ وزیراعظم محمد نواز شریف ءِ آئی ایم ایف نا کمکاری آن اقتصادی اصلاحاتی پروگرام پورو کننگ آمبارکبادی تسنے۔ وزیراعظم نا پن اسہ چھٹی اسے ٹی اوپارے کہ پاکستان مسکوہی مسہ سال انا وخت بھلو سرسہبی اس دوئی کرینے، او آئی ایم ایف نا کمکاری آن اقتصادی اصلاحات نا پروگرام پورو کننگ آ وزیراعظم و اونا ٹیم ءِ مبارکباد پیش کیک ہرانا نتیجہ ٹی پاکستان اٹی میکرواکنامک سوگوی دوئی کننگ اٹی کمک رسینگانے۔

آئی ایم ایف نا منیجنگ ڈائریکٹر پارے کہ داہیت است بڈ ءِ کہ وزیراعظم محمد نواز شریف ملکی معیشت ءِ اعلیٰ و مجموعی نمونا کسر آ روان کننگ کن اصلاحات نا عمل ءِ جاری تخنگ نا خواہندار ءِ۔ آئی ایم ایف دا کوشست آتیٹی پاکستان نا ہر وڑاٹ کمکاری کن تیار ءِ۔ کرسٹین لاگارڈ تینا ساڑی آ دورہ پاکستان نا بابت پارے کہ دااونا دا دورہ بے کچ خوشگوار سلیس، داوخت وزیراعظم و اونا اقتصادی ٹیم تون اوڑدہیک اوڑکن باعث مسرت ءُ۔ دااوڑدہی تیٹی پاکستان نا اقتصادی اصلاحات نا پروگرام آ پیش رفت و آخبت نا سمت آن بابت ہیت وگپ کننگا۔ اودادورہ ٹی میزبانی کننگ و آئی ایم ایف و پاکستان نا نیام اٹ گچین کمکاری آ منت واری ءِ ہم اداکرے۔