آپریشن ضرب عضب اٹی زہمی مروک آ قطبی وزیرستان نا اسہ ہزار301ہند آتا سروے پورو، بے اُرا بندغ آتے معاوضہ غاتیٹی 36کروڑ 50لکھ روپئی زوت ادا کننگک

آپریشن ضرب عضب اٹی زہمی مروک آ قطبی وزیرستان نا اسہ ہزار301ہند آتا سروے پورو، بے اُرا بندغ آتے معاوضہ غاتیٹی 36کروڑ 50لکھ روپئی زوت ادا کننگک

اسلام آباد(پاکستان نیوز پوائنٹ 3 نومبر2016ء) آپریشن ضرب عضب اٹی زہمی مروک آ قطبی وزیرستان نا اسہ ہزار 301ہند آتا سروے پورو مس، بے اُرا بندغ آتے معاوضہ غاتیٹی 36کروڑ 50لکھ روپئی زوت ادا کننگک۔ قطبی وزیرستان نا پولیٹیکل ایجنٹ کامران آفریدی پنچ شنبے آ ”اے پی پی“ تون ہیت وگپ کرسا پارے کہ آپریشن آن زہمی مروک آ قطبی وزیرستان نا بے اُرا بندغ آتا ہند آتا نسخان تا تخمینہ ءِ خلنگ کن سروے جاری ءِ ۔

اکتوبر نا تو اٹی سروے ٹیمک قطبی وزیرستان نا زہمی مروک آ علاقہ غاتا سروے نا وخت اسہ ہزار 301ہند آتے آپریشن ضرب عضب آن زہمی گوندانے ہرافتے ٹی 358اُراتے پوروی وڑاٹ بھس گوندانے وخت اس کہ 932اُراتے آپریشن نا وخت جزوی نسخان رسینگا۔ اوپارے کہ ایف ڈی ایم اے نا سروے ٹیمک ہند آتا نسخان تا بابت سروے ءِ برجا تخانو و داوخت اسکان اسہ ہزار 301اُراتا مالک آتے معاوضہ نا ادائیگی نا اہل گوندنگانے۔ اوپارے کہ اسہ ہزار 301اُراتا مالک آتے معاوضہ نا ادائیگی نا چرجوئی ٹی فاٹا ڈیزاسٹر مینجمنٹ اتھارٹی ءِ معاوضہ نافراوانی نا بابت پاننگانے کہ نن منہ دے اٹی معاوضہ غاتا منظوری آن گڈ قطبی وزیرستان نا بے اُرا بندغ آتے 36کروڑ 50لکھ روپئی معاوضہ زوت ادا کننگک۔