وزیراعظم محمد نواز شریف نا کراچی ٹی ٹرین حادثہ نا انکوائری نا حکم ایماندارتا بخشش، ٹھپی تا زوت جان جوڑی کن دعا

اسلام آباد(پاکستان نیوز پوائنٹ 3 نومبر2016ء) وزیراعظم محمد نواز شریف کراچی ٹی ٹرین حادثہ نا انکوائری نا حکم ترسا تعلقدار کمامدارآتے پھسائنگوک آ بندغ آتا زند ءِ بچفنگ کن دمدستی امدادی سرجزآتا پارت کرینے۔ وزیراعظم دا افسوزناک واقعہ ٹی ٹھپی مروک آ بندغ آتے گچین طبی آسراتی فراوان کننگ نا ہم پارت کرے۔ اودعا کرے کہ اللہ تعالیٰ ایماندار تے جنت الفردوس اٹی جاگہ ایتے و پدسلوک آخاہوت آتے داصدمہ ءِ برداشت کننگ نا توفیق عطاء فرمائفے۔ اوٹھپی تا زوت جان جوڑی کن دعاہم کرے۔ وزیراعظم پارے کہ داواقعہ نا زموار آتے سخت سزا تننگے۔