اسلام آباد(پاکستان نیوز پوائنٹ 2 نومبر2016ء) بنجائی وزیر سیفران لیفٹیننٹ جنرل (ر) عبدالقادر بلوچ پارینے کہ سی پیک و گوادر بندرگاہ نا پوروی آن بلوچستان نا پسماندگی مر مریک، ساڑی آ حکومت بلوچستان ءِ ملک انا ایلو علاقہ غاتا بریبر اتنگ کن ہروڑنا وسیلہ غاتے کاریم اٹ اتنگ ءِ ، کوئٹہ پولیس ٹریننگ سینٹر آ دہشت گردی نا واقعہ ہیبدار سیکورٹی نا سوب پیش بس ہرانا جاست وپاست ءِ کننگ انگءِ۔
داخیال آتا درشانی ءِ او چارشنبے آ داڑے نیشنل پریس کلب نا دورہ نا وخت آ کرے۔ بنجائی وزیر داوخت آ نیشنل پریس کلب نا کیہی بشخ خاص کر لائبریری نا دورہ ءِ کرے و نیشنل پریس کلب اٹی تخوک معلوماتی کتاب آتیٹی است خواہی نا درشانی ءِ کرے و لائبریری نا بشخ انا شون اکن ہروڑنا کمک نا باوری ترفے۔ بنجائی وزیر داوخت آ نیشنل پریس کلب نا صدر شکیل انجم ، سیکرٹری عمران ڈھلوں و ایلو گورننگ باڈی نا عہدیدار و سینئر صحافی تتون ہیت وگپ کرسا پارے کہ صحافیک ویل آتے تالان کننگ و اوفتا ایسری ٹی تینا کڑد ءِ ادا کننگ ءُ اوفتا شرحالی و گچینی کن نیشنل پریس کلب و صحافتی تنظیم اتا کڑد ستاء کڑزک۔
