اسلام آباد(پاکستان نیوز پوائنٹ 2 نومبر2016ء) قومی اسمبلی ٹی قائد حزب اختلاف سید خورشید احمد شاہ پارینے کہ پی ٹی آئی نا کارندہ غاک روڈ آتیا لٹ کنگورہ و عمران خان بنی گالہ ٹی خاچوک ئس۔ چارشنبے آ پارلیمنٹ ہاؤس اٹی احوالکار آتا نمائندہ غاتون ہیت وگپ کرسا اوپی ٹی آئی نا برانز آ تبصرہ کرسا پارے کہ کسس انت پائک ہندن مفک۔ عمران خان تینے قوم انا مون آ بے نقاب کرینے۔
خیبر پختونخوا ٹی خلقت آک دھرنہ غاتیا تنک مسنو۔ اسہ سوج اسے نا ورندی ٹی اوپارے کہ حکومت پیپلز پارٹی نا سروک نا چار ٹک آتے امنا کے۔ اوپارے کہ او پی ٹی آئی آن زیات حکومت نا مخالف ءِ۔ عمران خان نا ہر ایکشن حکومت ءِ سوگو کننگ کن مریک، پی ٹی آئی نا کارندہ غاک لٹ کنگورہ ولے عمران کان بنی گالہ ٹی تینا اُراغان پیشن پیش تمتو۔
