ڈیرہ مراد جمالی ٹی سلہہ بند بندغ آک سم کاری کرسا نیاڑی اسے نا خون ءِ کریر، اسہ بندغ اس دزگیر

ڈیرہ مراد جمالی(پاکستان نیوز پوائنٹ 2 نومبر2016ء) ڈیرہ مراد جمالی ٹی سلہہ بند بندغ آک سم کاری کرسا نیاڑی اسے نا خونءِ کریر۔ پولیس دمدستی کارروائی کرسا اسہ بندغ اسے دزگیر کرے۔ پولیس نا رداٹ ڈیرہ مراد جمالی نا ہسپتال کالونی نا خڑک سلہہ بند بندغ آک اُراسے نا تہٹی سم کاری کرسا مسماة (ن) نا خون ءِ کریر۔ احوال ملنگ آ سٹی پولیس جاگہ غا سرمس و لاش ءِ سول ہسپتال آ گدریفے۔ پولیس دمدستی کارروائی کرسا اسہ بندغ اسے دزگیر کریر و مقدمہ درج کرسا مستی جاست وپاست نا بناءِ کرینو۔