بنجائی وزیر امور کشمیر و گلگت بلتستان علی امین گنڈاپور نا نیشنل یوتھ اسمبلی گلگت بلتستان چیپٹر نا باسک آتون اوڑدہی ٹی ہیت وگپ

بنجائی وزیر امور کشمیر و گلگت بلتستان علی امین گنڈاپور نا نیشنل یوتھ اسمبلی گلگت بلتستان چیپٹر نا باسک آتون اوڑدہی ٹی ہیت وگپ

اسلام آباد (پاکستان پوائنٹ نیوز یکم جنوری 2019ء) بنجائی وزیر امور کشمیر و گلگت بلتستان علی امین خان گنڈاپور پارینے کہ ورناک پاکستان و تحریک انصاف نا بھاز بھلو میرات ءُ ہرا ملک انا شونداری ٹی اہم کڑد ادا کننگ کیرہ۔ اوداہیت ءِ نیشنل یوتھ اسمبلی نا گلگت بلتستان چیپٹر نا باسک آتون اوڑدہی ٹی پارے۔ اوپارے کہ تحریک انصاف ورناتا نمائندہ جماعت ءِ و ورناتا شونداری و اوفتا لائخی تے ٹی ودکی پارٹی نا اولیت آتے ٹی اوار ءِ۔

بنجائی وزیر پارے کہ یوتھ اسمبلی نا باسک آتے اسہ متحرک انداز اٹ کاریم کرسا ملک و قوم ءِ مون تروک ویل آتے بایدے تالان کروئی مرے ہراڑان اسہ کنڈ اوفتے ٹی قائدانہ لائخی تے سوگو ی ملک و ایلو کنڈ ملک ءِ مون تروک ویل آتا ایسری و اوفتا بابت قوم انا آگاہی ٹی پین ودکی مریک۔ اوپارے کہ گلگت بلتستان نا ڈیہہ سیل و سوات، معدنیات و پن بجلی نا بابت بھاز اہمیت تخک ہراڑان گلگت بلتستان اٹی دیر پا شونداری نا بنداو ءِ تخنگ مریک۔

اوپارے کہ ورنا و یوتھ پارلیمنٹ گلگت بلتستان نا شونداری و خاص کر سیل و سوات نا بشخ انا شونداری نا بابت اہم ءُ کاریم اس کننگ کیرہ۔ اوڑدہی ٹی یوتھ پارلیمنٹ نا باسک آک بنجائی وزیر ءِ مون تروک ویل آتیان معلومدار کریر۔ بنجائی وزیر دا ویل آتا ایسری نا یخین دہانی کرفسا پارے کہ ورناک مچ آ ملک و قوم انا اہم ءُ میرات ءُ ہرافتا شونداری و شونہالی آن ہی ملک و قوم نا شونہالی ممکن ءِ۔یوتھ پارلیمنٹ نا ڈل اٹی طارق اعظم، منظور حسین و ارشاد ملک ئسک اوار ئسر۔