وزیراعظم شاہد خاقان عباسی و اپوزیشن لیڈر سید خورشید احمد شاہ نا نیام اٹ نگران وزیراعظم کن سلابت نا عمل برجاءِ، حاجی غلام احمد بلور

اسلام آباد(پاکستان پوائنٹ نیوز 22 مئی 2018ء) عوامی نیشنل پارٹی نا راہشون باسک قومی اسمبلی حاجی غلام احمد بلور پارینے کہ وزیراعظم شاہد خاقان عباسی و اپوزیشن لیڈر سید خورشید احمد شاہ نا نیام اٹ نگران وزیراعظم کن سلابت نا عمل برجاءِ۔ نگران وزیراعظم غیر جانبدار بایدے مرے ۔ سے شنبے نادے پارلیمنٹ ہاؤس نا پیشن میڈیا تون ہیت وگپ کرسا اوپارے کہ نگران وزیراعظم کن چندی پن تیا سلابت نا عمل برجاءِ۔

نگران وزیراعظم ہرکس کہ مرے بس غیر جانبدار مرے۔ اوپارے کہ وزیراعظم و اپوزیشن لیڈر نا نیام اٹ نگران وزیراعظم نا پن آ امنا مریک۔ اومیت ءِ کہ ہڑتوم آ راہشونک دا معاملہ غا جاگہ نا جاگہ سے آ سرمریرہ و پارلیمان نا اختیار ءِ پین کس ءِ تفنہ۔ اوپارے کہ اگہ ہڑتوم آ راہشونک دا بابت بے سہب مسر تو دا سیاست دان تا بھلو بے سہبی اس مریک۔