اسلام آباد (پاکستان پوائنٹ نیوز 21 مئی 2018ء) قومی احتساب بیورو(نیب) نا چئیرمین جسٹس جاوید اقبال سپریم کورٹ آف پاکستان نا فیصلہ نا روشنائی ٹی بحریہ ٹاؤن کراچی، بحریہ ٹاؤن لاہوروبحریہ ٹاؤن راولپنڈی نا خلاف باقاعدہ تفتیش نا بنا ءِ کرینے و ڈائریکٹرجنرل نیب راولپنڈی ءِ بنجائی وزیر برائے ہاؤسنگ اینڈ ورکس اکرم درانی نا بر خلاف غیر کانودی تقریری تا شکایت ، ڈائریکٹرجنرل نیب سکھر ءِ آمدن آن زیات آثاثہ جوڑ کینہ آ مہرین بھٹو،آصف بھٹو کاشف بھٹو و عارف بھٹو نا بر خلاف شکایت نا جانچ پڑتال کن حکم تسونے ۔
چئیرمین نیب تعلقدار ڈائریکٹر جنرلز ءِ پارت کرے کہ سپریم کورٹ آف پاکستان نا فیصلہ نا روشنائی اٹ بحریہ ٹاؤن نا برخلاف انویسٹی گیشن ءِ مسہ تُو نا تیٹی کانود نا رداٹ منطقی انجام اسکان سرکننگن و سپریم کورٹ نا فیصلہ نا من وعن تعمیل کننگے ۔ داچرجوئی ٹی ہچ آ کوتاہی ئس سگنگپک ۔ قومی احتساب بیورو(نیب) ناچئیرمین جسٹس جاوید اقبال وفاقی وزیر ہاؤسنگ اینڈ ورکس اکرم درانی نا بر خلاف قواعد وضوابط ءِ بالائے طاق تخیسہ غیرکانودی وڑ اٹ ہورک آسامی تیاتینا حلقہ نا خلقت ءِ غیرکانودی وڑاٹ تقرر نا شکایت نا نوٹس ءِ الیسہ ڈائریکٹرجنرل نیب راولپنڈی ءِ پورو جانچ پڑتا ل نا حکم تسونے۔
قومی احتساب بیورو(نیب) نا چئیرمین جسٹس جاوید اقبا ل آمدن آن زیات اثاثے جوڑکینہ آ مہرین بھٹو،آصف بھٹو کاشف بھٹو و عارف بھٹو نا بر خلاف ڈائریکٹرجنرل نیب سکھر ءِ شکایت نا جانچ پڑتال نا حکم تسونے۔
