چارسدہ ءَ پولیس وین ءِ سر ءَ ریموٹ کنٹرول بمب تراک، 3کارندہ ءَ ھوار 9مردم ٹپیگ

اسلام آباد (پاکستان نیوز پوائنٹ 26ستمبر 2016ء) چارسدہ ءَ پولیس وین ءِ سر ءَ ریموٹ کنٹرول بمب تراک ءَ چہ 3کارندہ ءَ ھوار 9مردم ٹپیگ بوتگ اَنت۔ پیل ٹی وی ءِ رد ءَ چارسدہ ءِ تحصیل شب قدر ءِ دمگ سروکلئی ءَ پولیس وین ءَ را ریموٹ کنٹرول بمب ءِ نشانگ کتگ، ایشی ءِ نتیجگ ءَ 3کارندہ آں ھوار 9مردم ٹپیگ بوتگ اَنت وھدیکہ نزیک ءَ گوزوکیں مساپر آناں ھم تاوان رستگ۔ دو شمبے ءِ سُہب ءِ سر ءَ تراک آنی ھال سر بوھگ ءَ پولیس ءِ مزنیں کساس ءِ موہ ءِ سر ءَ پُج اِتءُُ دمگ ءَ را چپ ءُُ چاگرد ءِ کُتءُُ ناشرکار آنی پٹ ءُُ لوٹ ءِ بندات کُت۔ تراک ءَ چہ ٹپیگ بوتگیں مردم آناں چارسدہ ہسپتال ءَ روان دات۔ اھوال آنی رد ءَ ناشرکاری ءِ آماچ بوھوکیں کارندہ پولیو ٹیمب آنی سیکورٹی ءَ بوتگ اَنت۔