اسلام آباد(پاکستان پوائنٹ نیوز 18 مئی 2018ء) بنجائی وزیر خزانہ مفتاح اسماعیل پارینے کہ ششمکو بجٹ ءِ پیش کننگ ننا حکومت کن اعزاز نا ہیت اس ءِ ، معاشی شونداری نا سفر برجا سلک و الس تون کروک آ مچ آوعدہ آکے پورو کننہ۔جمعہ ءَ بنجائی بجٹ نا منظوری آن پد تینا چنکو تران ٹی اوپارے کہ اللہ تعالیٰ نا شکر ادا کیوہ کہ ننا حکومت چرجوئی اٹ شش بجٹ پیش کرے و ملک و قوم نا خذمت نا ننے توفیق تس ، اوپارے کہ بجٹ معاشی شونداری نا سفر ءِ طے کرینو،و ننے توقع ءِ کہ بروک آ وخت اٹ ءِ ہم برجا تخہنگ ءِ ، اوپارے کہ بجٹ نا تیاری ٹی باسک پارلیمنٹ ،سپیکر ، باسک سینٹ و تعلقدار ادارہ غاتا افسراک و عملہ نا شکر گزار ہن ارف آک بجٹ نا موقع غابے مٹ ء ُ کمک نا درشانیءِ کریر۔
او پارے کہ قومی اسمبلی ، سینیٹ ، پی ٹی وی، پی ائیاے، اے پی پی ، ریڈیو ، پی ائی ڈی تون اوار بجٹ سیشن نا دروان پارلیمنٹ ہاؤس ٹی خذمت سرانجام تروک آ مچ آ ملازمین آتا پنچ بندادی تنخواہ تا بریبراعزاز یہ تننگک۔
