وزارت ڈٹ بندی، شونداری و اصلاحات ایوی ایشن ڈویژن نا شونداری کاریم تے کن 3 ارب 39 کروڑ روپئی جاری کرے

اسلام آباد(پاکستان پوائنٹ نیوز 16 مئی 2018ء) وزارت ڈٹ بندی، شونداری و اصلاحات سرکاری بشخ انا شونداری پروگرام تیٹی ایوی ایشن ڈویژن نا شونداری کاریم تے کن جم وڑاٹ 3 ارب 39 کروڑ روپئی آن زیات نا فنڈ جاری کرینے، حکومت دا ڈویژن نا شونداری کاریم تیکن ہندا سال 4 ارب 34 کروڑ روپئی آن زیات فنڈ جتا کرینے۔ پلاننگ کمیشن نا کنڈآن جاری کروک حساب وکتاب نا رداٹ حکومت اسلام آباد اے ایس ایف اکموڈیشن کن 77 کروڑ 80 لکھ، اسلام آباد اٹی کسانہ ڈیم انا جوڑ کننگ کن 92کروڑ 20 لکھ، مردان اٹی کلپانی نالہ ٹی فلڈ فارکاسٹنگ سسٹم نا تنصیب اکن 5کروڑ، اے ایس ایف کراچی ہنکین نا جوڑ جاڑ کن 5 کروڑ 97 لکھ روپئی تون اوار چندی شونداری ڈٹ آتے کن فنڈ جاری کرینے۔