قومی اسمبلی و سینیٹ باسک آتا کاریم شونداری کاریم کرفنگ اف بلکن کانود سازی کننگ نا ءِ، شونداری کاریم تے ہندی حکومت آتا بایدے حوالہ کننگے، سینیٹر اعظم سواتی

اسلام آباد(پاکستان پوائنٹ نیوز 16 مئی 2018ء) سینیٹ اٹی پاکستان تحریک انصاف نا پارلیمانی لیڈر سینیٹر اعظم سواتی پارینے کہ قومی اسمبلی و سینیٹ باسک آتا کاریم شونداری کاریم کرفنگ اف بلکن کانود سازی کننگ نا ءِ، وڈی خوری ملک ءِ خورک کرینے۔ چارشنبے نادے پارلیمنٹ ہاؤس نا پیشن میڈیا تون ہیت وگپ کرسا اوپارے کہ ملک اٹی شونداری ڈٹ آتا بناء کننگ و دابابت ڈٹ بندی کننگ لوکل گورنمنٹ نا کاریم ءِ۔ غٹ شونداری کاریم تے بایدے اونا حوالہ کننگے۔ اوپارے کہ قومی اسمبلی و سینیٹ نا باسک آتا کاریم شونداری ڈٹ آخا بلکن ملک و قوم کن کانود سازی کننگ نا ءِ و ملکی شونداری کن گام گیج چست کننگ نا ءِ ولے بدقسمتی اٹ مستین اٹی داوڑ کتوس۔ اوپارے کہ کرپشن ملک انا بنداو آتے خورک کرینے۔