اسلام آباد(پاکستان پوائنٹ نیوز 16 مئی 2018ء) جماعت اسلامی نا باسک قومی اسمبلی عائشہ سید پارینے کہ غزہ ٹی دنیا نا غٹ مذہب آتا کانود نا خلاف ورزی کننگ انگ ءِ، داحالیت آتیا سلامتی کونسل و او آئی سی نا دیوان ءِ زوتی بٹنگ انگے۔ چارشنبے نادے پارلیمنٹ ہاؤس نا پیشن میڈیا تون ہیت وگپ کرسا اوپارے کہ دنیا نا اسہ مذہب اسے نا ہم کانود انسانی حق انا خلاف ورزی نا موکل تفک ولے غزہ ٹی کودک فلسطینی تا معاملہ غا مسلم امہ و جہانی برادری انت اکن چپ ءُ، فلسطینی تا جون اتون گوازی کننگ انگ ءِ۔
اسہ کُنڈ شام و کشمیر اٹی بے دردی آن خلقت ءِ شہید کننگ انگ ءِ ہنداوڑنا دہشت گردی و خلیس تالان کننگ انگ ءِ ہرا بے کچ لغوری اسے۔ غزہ نا حالیت آتیا زوتی وڑاٹ سلامتی کونسل و او آئی سی نا دیوان ءِ بٹنگ انگے۔
