اسلام آباد(پاکستان پوائنٹ نیوز 16 مئی 2018ء) قومی اسمبلی ٹی چارشنبے نادے بجٹ نا منظوری نا عمل اٹی وقفہ وقفہ غان بجلی نا بریک ڈاؤن برجاسلیس و ایوان کیہی وار تہاری ٹی ڈبنگسانظر بس۔ اسپیکر نا ہیت وگپ آ وزیر توانائی سردار اویس احمد لغاری ایوان ءِ پارے کہ گدو مظفر گڑھ ٹرانسمیشن لین اٹی ٹرپنگ نا سوب ملک انا قطبی بشخ اٹی بجلی نا بریک ڈاؤن ودی مس۔
سویلی پنجاپ نا علاقہ دابریک ڈاؤن نامون اٹ بتنے، ولے کے پی کے تون اوار قطبی بشخ داڑآن زہمی مسنو۔ نن جاست وپاست نا پرمان کرینن ہرانا رپورٹ ءِ پیش کننگک۔ ایوان اٹی بریک ڈاؤن نا سوب پورو تہاری نا ازالہ ءِ گڑاس باسک آک تینا موبائل فون انا روشنائی آن کننگ نا ہم کوشست کریر و داٹی اپوزیشن باسک آتا کنڈآن گڑاس ریمارکس ہم تننگا کہ ”بدلی بسنے“ وخت اس کہ حکومتی باسک آتا کنڈآن اوفتا ورندی ٹی پاننگاکہ دا تکنیکی ءُ معاملہ اسے دادے داوڑاٹ ہلنگپ۔
